کابل شهردارلیگی تامانیدن اعلان قیلینگن نرخنامهلرگه کۉره، بیر آیدن کم وقت ایچیده پترول و دیزل یاقیلغیسی نرخی۸ فایزدن۱۱ فایزگچه آشگن.
اوشبو اداره بوگون (پنجشنبه، ۵-سنبله) ینگی نرخنامنی نشر قیلیب،۹۲افغانی پترولنینگ بیر لیتری نرخینی۸۷ افغاني، دیزل یاقیلغیسی نرخینی۷۹ افغاني اېتیب بېلگیلهگن. شونینگدېک، بیر کیلوگرام سویولتیریلگن گاز نرخی۶۶ افغاني دېب نشر قیلینگن.
اما کابل اهالیسی بازاردهگی نرخلر طالبلر تامانیدن نشر قیلینگن نرخلردن یوقاریراق اېکنینی اَیتماقده.
کابل اهالیسیدن بیری بوگون توشدن کېین بیر لیتر پترول نرخی۹۲ افغاني بۉلگنینی ایتدی.
کابل شهردارلیگینینگ بوگونگی نرخنامهسینی قریب بیر آی اوّل نشر قیلینگن نرخنامه بیلن تققاسلش شونی کۉرسهتهدیکی، بو دورده بنزین نرخی۱۱.۵فایزگه، دیزل نرخی اېسه۸.۲فایزگه آشگن.
اوشبو اداره 8-اسد کونی بنزین نرخینی۷۸افغاني، دیزل نرخینی اېسه۷۳ افغاني دېب نشر قیلگن اېدی. شونینگدېک، بیر کیلوگرام سویولتیریلگن گاز نرخی۶۷ افغاني اېتیب بېلگیلنگن اېدی.
یقین شرقدهگی بحران و هرمز بۉغازینینگ یاپیلیشی سببلی بوتون دنیاده نفت و گاز نرخلری آشگن، افغانستان بازاری هم اوشبو بحراندن تأثیرلنگن.
افغانستان نفت و گاز صادراتینینگ کتّه قِسمینی روسيه و مرکزي آسیا مملکتلریدن آلهدی. رسيه یقینده نفت و گاز یېتکزیب بېریشنی چېکلهگن.
یاقیلغی، اینیقسه دیزل نرخینینگ آشیشی آرتیدن افغانستان بازارلریده ترانسپورت خرجتلری، شونینگدېک، آزیق-طعام و ناازیق-طعام محصولاتلری نرخی هم آشگن.
