کابلدهگی محلي منبعلر طالبلر «نقیبالله علیخیل» اسملی نفت-گاز ساحهسی تجارنی اۉلدیرگنینی اَیتماقده.
منبعلرگه کۉره، اوشبو تجار سهشنبه کونی کېچقورون (۳-سنبله) ساعت تخمیناً۱:۰۰ده کابل شهری قمبر چارراههسی، فامیلی زورآباد حدودیده، اوّل «مارشال فهیم مدافعه بیلیم یورتی» دېب اتلگن افغانستان حربي بیلیم یورتی قرشیسیده اۉلدیریلگن.
منبعلر معلوماتیگه کۉره، اوشبو منطقهده «نقیبالله علیخیل»گه تېگیشلی گاز تشووچی موتر باشقه نفت محصولاتلرینی تشووچی موتر بیلن تۉقنهشگن. ایکّی تامان اۉرتهسیده بحث-مناظره دوام اېتهیاتگن پیتده حربي بیلیم یورت قرشیسیدهگی نظارت-اۉتکزیش پونکتیدن طالبلرنینگ بیر حربيسی کېلیب، واقعهگه ارهلشگن.
منبعلرنینگ دعوا قیلیشیچه، اوشبو طالبلر حربيسی هېچ قندهی سبب و جنجلسیز «نقیبالله علیخیل»نی موتریدن توشیرگن و۴-۳متر مصافهدن «ام4» روسوملی قورال بیلن اونگه قرهته اۉق اوزیب، اۉلدیرگن.
منبعلرگه کۉره، طالبلر تدبیرکارگه قرهته اۉق اوزگن شخصنی «عقلدن آزگن» دېب ایتگن. بیراق کابلدهگی طالبان پولیسی حاضرچه بو بارهده رسماً ایضاح بېرمهگن.
منبعلر نقیبالله علیخیل میدان وردک ولایتینینگ جلرېز اولسواللیگیده توغیلگنینی و حاضرده کابلده یشب کېلگنینی اَیتماقده.
منبعلر خبریگه کۉره، تدبیرکارنینگ جسدی الّهقچان دفن اېتیلگن. اونینگ خاطره مراسمی بوگون توشدن کېین اۉتکزیلهدی.
