افغانستانلیک باشپناه ایزلاوچیلرنی قۉللب-قوّتلاوچی «افغان ایوک» ناملی امریکالیک فخريلر ائتلافی اۉتکزیلگن سۉراونامه نتیجهلری امریکالیک جواب بېرگنلرنینگ۷۲ فایزی افغانستاندهگی سابق افغان اتفاقچیلرینی امریکاگه قبول قیلیشنی قۉللب-قوّتلشینی کۉرستگنینی معلوم قیلدی.
اوشبو تشکیلات بیاناتیده ایتیلیشیچه، افغانستانده امریکا قۉشمه ایالتلری کوچلری بیلن بیرگه ایشلهگن افغانلرنی قبول قیلیشنی قۉللب-قوّتلش درجهسی۵۲ فایزدن۷۲ فایزگچه آشگن.
«افغان ایوک»نینگ ایتیشیچه، جواب بېروچیلر افغان همکارلرینینگ امریکا ماموریتینی قۉللب-قوّتلشدهگی رۉلی حقیده خبردار قیلینگنیدن سۉنگ، اولرنی قبول قیلیشنی قۉللب-قوّتلش سېزیلرلی درجهده آشگن.
۲۰۲۶-ییلگی سیلاولرده آواز بېریشی کوتیلهیاتگن سیلاوچیلر نینگ ۸۴ فایزی امریکا افغانستانده امریکا کوچلری بیلن همکارلیک قیلگن افغانلر و اولرنینگ عایلهلرینی حمایه قیلیش مجبوريتینی اۉز ذمّهسیگه آلیشی کېرهکلیگینی بیلدیرگن.
سۉراونامه همکارلریدن بیری بۉلگن «هیس» یا (HIAS)،تشکیلاتی جمهور رییسی و اجراچی مدیری بث اوپنهایم شوندهی دېدی: «هر بیر معلومات و ستاتیستیکه آرتیده کېلهجگی امریکا تامانیدن بېریلگن، اما حلی بجریلمهگن وعدهگه باغلیق بۉلیب قالگن بیر عایله توریبدی. اولرنینگ اَیریملری ییللردن بېری کوتماقده. بعضیلری امریکا وطنداشلری و حربي خدمتچیلرینینگ آتهسی، اېری یاکه فرزندلریدیر. معما امریکا خلقیده اېمس، معما حکومتنینگ حرکتسیزلیگیدهدیر. واشینگتن بو حقیقتنی انابتگه آلیشی کېرهک.»
«افغان ایوک» باشلیغی و اساسچیسی شاون وندایورنینگ ایتیشیچه، امریکا قۉشمه ایالتلری حکومتی اوچ ییلدن آرتیق وقت دوامیده امریکا کوچلری بیلن بیرگه ایشلهگن افغانلرگه بېرگن وعدهسینی بجرگن، بیراق کېینچهلیک بو جریاننی تۉختهتگن.
اونینگ قۉشیمچه قیلیشیچه: «بیر دموکراتیک و بیر جمهوریتچی تشکیلات بیرگهلیکده آدملردن سۉرهدی و هر تۉرت جمهوریتچی سیلاوچیدن اوچتهسی بو وعده بجریلیشی کېرهکلیگینی ایتدی. بو تنلاو اېدی و اونی اۉزگرتیریش ممکن.»
سۉراونامه، شونینگدېک، جواب بېرووچیلرنینگ۷۶ فایزی ایلگری امریکاگه کۉچیب اۉتیشی تصدیقلنگن افغانلر اوچون کمکنی قَیته تیکلشنی قۉللب-قوّتلشینی کۉرستگن. اولرنینگ۵۳ فایزی بو چارهنی قطعي قۉللب-قوّتلهگن.
شونینگدېک، جواب بېروچیلرنینگ۷۳ فایزی افغان اتفاقچیلریگه اولرنینگ ایشلری کۉریب چیقیلگونگه قدَر امریکاده قالیشگه رخصت بېریشنی قۉللب-قوّتلهگن.
مذکور سۉراونامه افغانلرنینگ امریکا قۉشمه ایالتلریگه کیریش یۉللری یاپیلگن بیر پیتده اعلان قیلیندی.
ترامپ مأموریتی افغانستان وطنداشلرینینگ امریکاگه کیریشینی تعقیقلهگن. عینِ پیتده افغانستانده امریکا نینگ سابق خادملریدن مینگلب کیشی اوشبو مملکتگه کۉچیریلیشینی کوتماقده. اوشبو باشپناه ایزلاوچیلرنینگ بیر قِسمی پاکستانده ناانیق وضعیتده قالماقده.
