طالبلرنینگ باميان شهریدهگی شهردارلیگی «تونگی قراوول» لوازمی اوچون۱۲۱کیشی متقاضینی «شارت لیست»گه کیریتیب، اولرنینگ اسملرینی فیس بوک پُست آرقهلی نشر قیلگن.
«اطلاعات روز» گزیتهسینینگ تېکشیروویگه کۉره، اوشبو لوازم اوچون «شارت لیست»گه کیریتیلگنلرنینگ ۲۲نفری لیسانس درجهسیگه اېگه.
تېکشیروو نتیجهلریگه کۉره، رۉیخطگه کیریتیلگن۳۰نفر نامزاد «بکلوریا» یاکه ۱۲-صنفنی تماملهگنلیک حقیدهگی حجتگه، ینه ایکّی نفری اېسه «اۉرته مخصوص» یاکه ۱۴-صنفنی تماملهگنلیک حقیدهگی حجتگه اېگه. قالگن نامزادلرنینگ هېچ قندهی تعلیم حجتی یۉق.
افغانستان دولت خدمتلری تیزیمیده «تونگی قراوول» لوازمی ۸-درجهلی لوازم حسابلنهدی. بو خادملر فرّاش، باغبان و هیداوچی کبی خدمت کۉرسهتیش خادملری قطاریگه کیرادی.
طالبان افغانستانده حاکمیتنی قَیته اېگهللهگنیدن سۉنگ مملکتده قشّاقلیک و ایشسیزلیک سېزیلرلی درجهده آشدی. نتیجهده کۉپلب عالي معلوماتلی یاشلر ایشسیزلیکدن قوتولیش اوچون خدمت کۉرسهتیش لوازملریگه هم عریضه تاپشیرماقده.
