طالبالرنینگ صنعت و تجارت وزیرلیگی افغانستان خصوصي سکتوری نمایندهلری و اۉزبېکستاننینگ قشقهدریا ولایتی تدبیرکارلری اۉرتهسیده قیمتی۲۶۷ میلیون دالرلیک۲۰ ته انگلشوو کېلیشووی امضالنگنینی معلوم قیلدی.
اوشبو وزیرلیک بوگون (یکشنبه، ۸-سنبله) بیانات بېریب، مذکور کېلیشوولر ایکّی تاماننینگ کابلدهگی اۉز ارا اوچرهشوولری نتیجهسیده امضالنگنینی ایتدی.
طالبلرنینگ صناعت و تجارت وزیرلیگینینگ معلوم قیلیشیچه، کېلیشوولر آزیق-طعام محصولاتلری، قوریلیش ماتریاللری، تۉقیمهچیلیک، چارواچیلیک، الکترون جهازلر همده مبل و فرنیچر کبی ساحهلرنی قمرهب آلهدی.
طالبلر صناعت و تجارت وزیری اۉرینباسری احمدالله زاهد ایکّی تامان اۉرتهسیدهگی بیزنس علاقهلری کنفرانسیده افغانستان و اۉزبېکستان اۉرتهسیدهگی سودا حجمی آشگنینی ایتدی.
او افغانستان اوچون یوک ترانزیتی مهم اېکنینی تأکیدلب، افغانستان تاورلرینی اۉزبېکستان حدودی آرقهلی ترانزیت قیلیش مسألهسیده اوشبو مملکت رسميلری بیلن مذاکره آلیب باریشگه تیار اېکنینی بیلدیردی.
طالبلر صنعت و تجارت وزیرلیگی بیاناتیگه کۉره، اۉزبېکستان نینگ قشقهدریا ولایتی حاکمی اۉرینباسری شهرت مرادوفهم طالبان هیئتی و افغانستان اېکسپورت محصولاتلرینی قبول قیلیشگه تیارلیگینی ایتگن.
طالبلر و اۉزبېکستان سۉنگگی بېش ییل دوامیده کېنگ سیاسي و اقتصادي علاقهلرنی یۉلگه قۉیگن. ایکّی تامان هیئتلری تجارت و اقتصادي مسألهلرنی محاکمه قیلیش اوچون بیر نېچه بار کابل و تاشکېنتگه تشریف بویورگن.
