هرات–اسلام قلعه ترافیک یۉلیده صادر بۉلگن ترافیک حادثهسی عاقبتیده ایکّی کیشی هلاک بۉلگن، بیر کیشی اېسه جراحتلنگن.
طالبلرنینگ هرات ولایتی امنیه قوماندانلیگی مطبوعات سوزلاوچیسی مسعود حسینینینگ ایتیشیچه، حادثه تیناوون (جمعه، ۳ مزان) ساعت ۶:۱۵لر اطرافیده قدوس آباد منطقهسیده صادر بۉلگن.
اونینگ سۉزلریگه کۉره، هراتدن اسلام قلعه تامان حرکتلنهیاتگن، اوچ نفر یۉلاوچیسی بۉلگن بیر دانه «لوکسل» اتوموبیلی نینگ شینهسی یاریلیب کېتگن. نتیجهده موتر یۉلدن چیقیب، اغدریلگن.
حسینینینگ ایتیشیچه، حادثه عاقبتیده موتر هیداوچیسی و یۉلاوچیلردن بیری هلاک بۉلگن، اوچینچی یۉلاوچی اېسه جراحتلنگن.
تیناوون نورستان و خوست ولایتلریده هم ایکّیته ترافیک حادثهسی صادر بۉلگنی حقیده خبر بېریلگن اېدی. اوشبو حادثهلرده اوچ کیشی هلاک بۉلگن.
