طالبلر نظارتی آستیدهگی ملي احصاییه و معلومات ادارهسینینگ معلوم قیلیشیچه، الکترون تذکره ترقهتیش جریانی باشلنگنیدن بویان حاضرگچه قریب ۱۸میلیون ۳۰۰ مینگ کیشیگه الکترون تذکره بېریلگن.
اوشبو اداره بوگون (یکشنبه، ۵-میزان) نشر قیلگن معلوماتیده ایتیشیچه، جاري ییل نینگ دستلبکی آلتی آییده مملکت بۉیلب ۸۲۷ مینگ ۶۰ کیشی الکترون تذکره آلگن.
شوندن ۶۰۰ مینگ ۵۴۶ته تذکره اېرککلرگه، ۲۲۶ مینگ ۵۲۴ ته تذکره اېسه عیاللرگه بېریلگن.
اۉتگن آلتی آی دوامیده اېنگ کۉپ الکترون تذکرهلر — ۲۳۲ مینگ ۶۹۶ دانه — کابل ولایتیده ترقهتیلگن. کابلدن کېین هرات ولایتیده ۷۴ مینگ ۱۸۰ ته، نهنگرهارده ۷۱مینگ ۸۲۵ ته، قندههارده ۴۷ مینگ ۲۶۰ ته و بلخده ۳۶ مینگ ۲۷۵ ته تذکره ترقهتیلگن. اوشبو ولایتلر فقرالرگه اېنگ کۉپ الکترون تذکره بېریلگن حدودلر قطاریگه کیرهدی.
احصاییه ادارهسینینگ معلوم قیلیشیچه، مملکت بۉیلب ۸۷ ته «آسان خدمت» مرکزی و الکترون تذکره ترقهتیش مرکزی همده بیرلشگن عرب امیرلیکلری پایتختی ابو ظبی شهریده بیرته «آسان خدمت» مرکزی فعالیت یوریتماقده.
