جهان ساغلیقنی سقلش تشکیلاتی افغانستانده پولیونینگ ینه آلتی ینگی حالتی انیقلنگنینی معلوم قیلدی. شو بیلن ۲۰۲۶-ییلده افغانستانده قید اېتیلگن پولیونینگ تصدیقلنگن حالتلری سانی ۴۲ تگه یېتگن.
تشکیلات‌نینگ ینگی گزارشیده ایتیلیشیچه، ینگی حالتلرنینگ اوچته‌سی قندهارده، ایکّیته‌سی ننگرهر نینگ بتی کوت و گشته اولسواللیکلریده، ینه بیری کابل نینگ موسهي اولسواللگیده انیقلنگن.
جهان ساغلیقنی سقلش تشکیلاتی نینگ معلوم قیلیشیچه، کابل‌ده قید اېتیلگن حالت بېمار بیلن علاقه‌ده بۉلگن شخصنی تېکشیریش آرقه‌لی انیقلنگن.
تشکیلات‌نینگ بیلدیریشیچه، ینگی حالتلرده کسللیک علامتلری جاري ییل نینگ ۲۵-اگوستیدن ۹-سپتمبریگچه باشلنگن.
جهان ساغلیقنی سقلش تشکیلاتی شونینگدېک، ۲۰۲۶-ییلده افغانستانده اطراف-محیط نمونه‌لریده انیقلنگن پولیو ویروسیگه عاید ایجابي حالتلر سانی ۹۳تگه یېتگنینی بیلدیرگن.
حاضرده افغانستان و پاکستان پولیو بوتونله‌ی یۉق قیله آلمه‌گن دنیاده‌گی یگانه ایکّی دولت بۉلیب قالماقده.
جاري ییلده پاکستان‌ه هم پولیونینگ ۶ته انسانده‌گی تصدیقلنگن حالتی و اطراف-محیط نمونه‌لریده ۱۳۷ته ایجابي حالت قید اېتیلگن.
۲۰۲۵-ییلده افغانستانده پولیونینگ ۲۱ته تصدیقلنگن حالتی قید اېتیلگن اېدی. جاري ییلده اېسه بو کۉرستکیچ سېزیلرلی درجه‌ده آشگن.
