۲۹ میزان، اۉزبېک تیلی ملي کونی مناسبتی بیلن بوگون، جمعه ۱ عقرب اېرته‌لب سرپل ولایتی‌نینگ سنچارک اواسواللیگیده یازووچیلر، شاعرلر، آقسقاللر، قوم بویوکلری، مدن فعاللر همده یاشلر اشتراکیده محفل اۉتکزیلدی.
محفل‌ده سۉزگه چیققنلر اۉزبېک تیلی‌نینگ اهمیتی، اونی رواجلنتیریش و کېنگه‌یتیریش، شونینگدېک، اۉزبېک خلقی‌نینگ مدني قدریتلری و میراثینی اسره‌ب-اوه‌یلش ضرورلیگینی تأکیدله‌دیلر. اولر آنه تیللر و مدني میراثنی اسره‌ب-اوه‌یلش همده رواجلنتیریش جمعیت‌نینگ مدني و ادبي اۉزلیگینی سقلشده مهم اهمیتگه اېگه اېکنینی ایتدیلر.
محفل‌نینگ ینه بیر قِسمیده بیر قطار یاشلر اۉزبېک تیلیده شعرلر اۉقیب، ادبي و مدني ایجاد نمونه‌لرینی اشتراکچیلر بیلن بم کۉردیلر.
شونینگدېک، تدبیر دوامیده اۉزبېک خلقی‌نینگ ملي طعاملری، عنعنوي کییملری و قۉل صنعتی محصولاتلری نمایش اېتیلدی. مذکور کۉرگزمه اشتراکچیلر تامانیدن ایلیق کوتیب آلیندی.
تدبیر یکونیده یاشلر اۉرته‌سیده کوره‌ش مسابقه‌سی اۉتکزیلدی. یاشلر اوشبو ملي سپورت‌گه کتّه قیزیقیش و اشتیاق بیلن اشتراک اېتدیلر.
