«افغانستان آزادلیک جبهه‌سی» تخار ولایتیده طالبلر استخباراتی‌نینگ شهر بۉلینمه‌سیگه قرشی اویوشتیریلگن هجومده اوشبو گروه‌نینگ بیر اعضاسی اۉلدیریلگنی و ینه اوچ نفری یره‌لنگنینی معلوم قیلدی.
مذکور جبهه بیاناتیده ایتیلیشیچه، هجوم تیناوون (چهارشنبه، ۲۹-میزان) ساعت ۷:۰۰اطرافیده تخار ولایتی‌نینگ مرکزی تالقان شهریده عملگه آشیریلگن.
«افغانستان آزادلیک جبهه‌سی» اۉلدیریلگن طالبلر استخبارات اعضاسی «تالقان شهریده، اینیقسه، عیاللرنی تعقیب و بېزاوته قیلیش بیلن شغللنگن»، دېب دعوا قیلگن.
جبهه، شونینگدېک، هجوم وقتیده طالبلرگه تېگیشلی بیر ترانسپورت واسطه‌سی هم یۉق قیلینگنینی بیلدیرگن.
طالبلرنینگ تخارده‌گی محلي مسووللری حاضرگچه بو باره‌ده ایضاح بېرمه‌گن.
