سی‌‌بی‌اس خبردار منبعلرگه ته‌یه‌نیب خبر بېریشیچه، امریکا جمهور رییسی دونالد ترامپ جمهوریت‌چیلر حزبی آره‌لیق سیلاولرده مغلوبیتگه اوچره‌گنیدن سۉنگ، مصلحتچیلریدن پت هگست مدافعه وزیری لوازمیده قالیشی کېره‌کمی یاکه یۉقمی، دېب یوزمه-یوز و تېلفون آرقه‌لی سۉره‌گن.
مذکور تلویزیون بیر منبعگه ته‌یه‌نیب یازیشیچه، فلوریدا ایالتی نینگ جمهوریت‌چی فرمانداری ران دسانتیس هگست نینگ احتمالي اۉرین‌باسری صفتیده کۉریب چیقیلگن. شونینگدېک، اونینگ نامزادی سنا تامانیدن تصدیقلنیشی ممکنلیگی تأکیدلنگن.
سیبیاسنینگ قۉشیمچه قیلیشیچه، باشقه منبعلر ترامپ حلی هگستنی المشتیریش بۉییچه بیرار قرارگه کېلمه‌گنینی بیلدیرگن.
آق اوی مطبوعات سوزلاوچیسی آناکلی هم سی‌‌بی‌اس گه بېرگن بیاناتیده جمهور رئیس ترامپ«وزیر هگسنگه تۉلیق ایشانچ بیلدیره‌دی»، دېب ایتگن.
آره‌لیق سیلاولردن آلدین دموکرا‌تلر پت هگستگه نسبتاً استیضاح اعلان قیلیشگه اورینگن اېدی. اولر سیلاولرده کانگرس نینگ هر ایکّی مجلسی کتّه اوستونلیکنی قۉلگه کیریتگنینی حسابگه آلسه‌ک، ترامپ مأموریتیده‌گی مدافعه وزیریگه نسبتاً استیضاح جریانینی باشلش احتمالی آرتیشی ممکن.
سیبیاسنینگ یازیشیچه، آق اوی نینگ اَیریم یاردمچیلری جمهوریت‌چیلر نینگ آره‌لیق سیلاولرده‌گی مغلوبیتی اوچون عیب نینگ بیر قِسمی امریکا مرکزي قوماندانلیگی (سنتکام) قوماندانی برد کوپر و امریکا قوراللی کوچلری شتب باشلیقلری بیرلشگن کمیته‌سی رئیسی دېن کېینگه یوکلنیشینی هم تخمین قیلگن. اولر نینگ هر ایکّیسی هم ایران بیلن اوروشنی باشقریشده مهم رۉل اۉینه‌گن.
امریکاده‌گی آره‌لیق سیلاولرده جمهوریت‌چیلر نینگ آغیر مغلوبیتی حزب ایچیده کېلیشماوچیلیکلرنی کېلتیریب چیقردی.
امریکا جمهور رئیس اۉرین‌باسریی جی‌دی‌ونس ایران بیلن اوروش، اقتصادي معمالر و اسرایلنی قۉللب-قوّتلشنی جمهوریت‌چیلر نینگ سیلاوده‌گی مغلوبیتیگه سبب بۉلگن عامللر صفتیده کۉرسه‌تگن.
آره‌لیق سیلاولرده مغلوبیتگه اوچره‌گن جمهوریت‌چیلر کانگرس نینگ هر ایکّی مجلسی اوستیدن نظارتنی بای بېردی. دموکرا‌تلر اوشبو سیلاولرده حتی جمهوریت‌چیلر نینگ عنعنوي ته‌یه‌نچ حدودلری حسابلنگن اَیریم ایالتلرده هم غلبه قازاندی.
