امریکا جمهور رییسی دونالد ترامپ واشینگتن اسرایلگه خوفسیزلیک ساحه‌سیده یاردم کۉرسه‌تیش بۉییچه ۱۰ ییللیک کېلیشوونی بېکار قیلیشینی معلوم قیلدی.
مذکور کېلیشووگه کۉره، اسرایل امریکا هر ییلی ۳.۸ میلیارد دالر مقداریده یاردم آلیب کېلگن. اوشبو یاردملر ۲۰۱۹-ییلدن باشلنگن و کېلیشوو مدتی ۲۰۲۸-ییلگچه بېلگیلنگن.
فرانس پرس اخبارات آژانسی‌نینگ خبر بېریشیچه، ترامپ اسرایل امریکا یاردمی نینگ توخته‌تیلیشیگه راضی اېکنینی ایتگن.
او «فاکس اند فرندز» ینگیلیکلر دستوریگه بېرگن صحبتیده: «اگر اسرایل یاردمگه محتاج بۉلسه، بیز اونگه یاردم بېره‌میز»، دېدی. او اسرایل باش وزیری بینیامین نېتانیاهو بیلن مذکور یاردملرنی توخته‌تیش باره‌سیده کېلیشیب آلگنینی هم تأکیدله‌دی.
ترامپ: «اسرایل بیز نینگ بیرینچی رقملی اتفاقچیمیز. بیز اونگه باشقه هر قنده‌ی دولتدن کۉره کۉپراق یاردم بېره‌میز و بو دولت اېندی بو یاردمگه محتاج اېمس… اگر محتاج بۉلگنیده، یاردمنی دوام اېتتیریش کېره‌کلیگینی ایتگن بۉلردیم»، دېدی.
ترامپ بو قراری نینگ سببینی ایضاحلر اېکن، دېموکرا‌تیک حزب نینگ سېناتگه چپ قنات نامزادی عبدالسیدنینگ هجوملرینی تیلگه آلدی. او سه‌شنبه کونی بۉلیب اۉتگن آره‌لیق سیلاولرده جماعتچیلیک ناراضیلیگی و اسرایلگه قرشی کیفیتلردن فایدلنیب، سیلاوده اشتراک اېتگن.
ترامپ تلویزیونیگه بېرگن صحبتیده اسرایل و امریکا نینگ بو دولتگه کۉرسه‌ته‌یاتگن یاردمی حقیده گپیرر اېکن: «نېگه اسرایل بو یاردمگه محتاج بۉلمه‌سه، عبدالسید کبی جِنّيلر سببلی بیز هجوملرگه اوچره‌شیمیز کېره‌ک؟» دېدی.
