خیبر پختونخواده کمیده ۱۰ پولیس اۉلدیریلگنی معلوم قیلیندی

اطلاعات روز
Photo: DAWN

پاکستان رسميلری خیبرپختونخوا ایالتی‌نینگ کوهات منقطه‌سیده پولیس‌ خادملریگه اویوشتیریلگن قوراللی هجومده کمیده ۱۰ پولیس هلاک بۉلگنینی معلوم قیلدی.

«ایکس‌تربیون» نشری نینگ خبر بېریشیچه، کوهات پولیسی مطبوعات سوزلاوچیسی‌ محمد نۉمان زیب نینگ ایتیشیچه، پولیس‌ گروهی ناقانوني آلتین قزیب آلیشگه قرشی کوره‌شیش بۉییچه‌ عملیات اۉتکزیش اوچون کېته‌یاتگن وقتده کوهات و کرک حدودلری اۉرته‌سیده جایلشگن «دربوکاچ جالندهر باندا» منطقه‌سیده اۉققه توتیلگن.

خبرلرگه کۉره‌، هجومچیلر تېپه‌لیکلر اوستیدن پولیس‌ کوچلریگه قره‌ته‌‌ اۉت آچگن. عاقبتده بیر نفر یوقاری مرتبه‌لی افسر و بیر نفر اینسپېکتار بیلن بیرگه‌ جمعی ۱۰ نفر پولیس هلاک بۉلگن.

کوهات پولیسی مطبوعات سوزلاوچیسی‌‌نینگ ایتیشیچه، هجوم وقتیده پولیس‌‌نینگ بېشته موتری هم یاقیب یوباریلگن.

اونینگ سۉزلریگه کۉره‌، هجومچیلر پولیس‌ کوچلریگه قره‌ته‌‌ اۉق اوزیشده دوام اېتگن و ایکّی تامان اۉرته‌سیده کوچلی قوراللی تۉقنه‌شوو یوز بېرگن.

شونینگدېک، اونینگ بیلدیریشیچه، منطقه‌ده خوفسیزلیک کوچلری‌نینگ شَیلیک درجه‌سی آشیریلگن و واقعه‌ جاییگه قۉشیمچه‌ کوچلر یوباریلگن.

سۉنگگی آیلرده خیبر پختونخوا ولایتیده پولیس‌ کوچلریگه قرشی قطار هجوملر صادر اېتیلماقده.

۸-اکتوبر کونی کرک و کوهات چېگره‌سی یقینیده قوراللی شخصلر پولیس‌ گزمه‌سیگه قره‌ته‌‌ اۉت آچیشی عاقبتیده پولیس‌ اوچستکه‌سی باشلیغی (SHO) داوود خان و اونینگ قۉریقچیسی فرهاد هلاک بۉلگن اېدی.

۲۸-سپتمبر کونی اېسه تانک حدودیده نامعلوم قوراللی شخصلر پولیس‌ یۉل حرکتی خوفسیزلیگی خادملری کېته‌یاتگن موترگه هجوم قیلیشی عاقبتیده اوچ نفر پولیس هلاک بۉلگن.

۲۵-سپتمبر کونی پېشاور نینگ گرهی شیرداد حدودیده خودکوشلیک هجوملرینی رېجه‌لشتیریشده گمان قیلینگن شخصلرگه قرشی استخبارات معلوماتلری اساسیده اۉتکزیلگن عملیات دوامیده‌ تروریزمگه قرشی کوره‌شیش دیپارتمنتی (CTD) خادیمی محمد افاق هلاک بۉلگن، ینه‌ اوچ نفر خادم یره‌لنگن.

سۉنگگی دورده‌گی اېنگ قانلی هجوملردن بیری ۱۸-سپتمبر کونی صادر بۉلگن. اۉشنده کوهات پولیس‌ مرکزیده یوز بېرگن پارتلش و اوندن کېینگی هجوم عاقبتیده جمع‌ی ۲۳ کیشی هلاک بۉلگن، اولر نینگ ۱۵ نفری پولیس‌ خادملری اېدی. هجومدن کېینگی حدودنی تازه‌لش عملیاتی دوامیده‌ سکّیز نفر هجومچی هم اۉلدیریلگن.

پاکستان رسميلری نینگ ایتیشیچه، طالبان حاکمیتگه قَیتگنیدن سۉنگ مملکت‌نینگ شِمالی-غربي حدودلریده هجوملر کۉپه‌یگن.

اسلام آباد ترورچی گروهلر پاکستان حدودیده هجوملر اویوشتیریش اوچون افغانستان حدودیدن فایده‌لنه‌یاتگنینی دعوا قیله‌دی. بیراق طالبلر بو عیبلاولرنی رد اېتیب، افغانستان حدودی هېچ بیر مملکت اوچون تهدید اېمسلیگینی تأکیدله‌یدی.

پاکستانده‌گی خوفسیزلیک بیلن باغلیق معمالر سبب طالبلر و اسلام آباد اۉرته‌سیده‌گی مناسبتلر کېسکینلشگن.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه