افغانستان دیاسپوراسی‌نینگ امکانیتلری و معمالرینی تحلیل قیلیش» ناملی‌ ییغیلیش سویس‌ده اۉتکزیلدی

اطلاعات روز

افغانستانلیک بیر قطار یازووچیلر، متخصصلر، اجتماعي فعاللر و مهاجرلر اۉتکزیلگن ییغیلیشده سویس‌ده‌گی افغانستان دیاسپوراسی‌نینگ معمالرینی بحث قیلدیلر.

«افغانستان دایاسپورای‌نینگ امکانیتلری و معمالرینی تحلیل قیلیش» دېب ناملنگن مذکور ییغیلیش تیناوون «سویس‌ده سلسال اتفاقی» تامانیدن اوپسالا شهریده تشکیل اېتیلگن.

تشکیلاتچیلرنینگ ایتیشیچه، اوشبو ییغیلیشنی اۉتکزیشدن مقصد «افغانستان دایاسپوراسی نینگ حالتینی علمي و کۉپ تامانله‌مه اۉرگنیش، موجود صلاحیت و معمالرنی انیقلش همده‌ سویس‌نینگ اجتماعي و فقرالیک جمعیتی توزیلمه‌سیده اوشبو جماعه‌ نینگ اۉرنی و رۉلیگه دایر ثمره‌لی ملاقات اوچون زمین یره‌تیش» بۉلگن.

اولرنینگ تأکیدلشیچه، دستور دوامیده‌ حیاتي تجربه‌لر، متخصصلر نینگ قره‌شلری و اجتماعي تحلیللرگه ته‌یه‌نیب، سویس‌ده‌گی افغان جماعه‌سی‌نینگ بوگونگی حالتی حقیده خالص تصور بېریشگه حرکت قیلینگن.

تشکیلاتچیلرنینگ معلومات بېریشیچه، ییغیلیش گروهي سمینارلر و متخصصلر دوره‌ صحبتی شکلیده اۉتکزیلگن. بیرینچی قِسمده اشتراکچیلر یېتّی نفردن اۉن نفرگچه بۉلگن اوچ گروهگه بۉلینگن و افغانستان دایاسپوراسی‌نینگ حاضرگی حالتی، تشویشلری، معمالری همده‌ امکانیتلریگه عاید بېشته اساسي سوال یوزه‌سیدن فکر المشگنلر. یکونده هر بیر گروه وکیللری محاکمه‌لر و خلاصه‌لر نتیجه‌لرینی باشقه‌ اشتراکچیلر بیلن اۉرتاقلشگن.

تشکیلاتچیلرنینگ ایتیشیچه، ییغیلیش‌نینگ ایکّینچی قِسمیده متخصصلر مخصوص دوره‌ صحبتیده «علمي، اجتماعي، حقوقي و پسیکولوژیگ نقطهٔ نظرلردن کېلیب چیقیب، سویسده‌گی افغان دایاسپوراسی آلدیده تورگن امکانیتلر و معمالرنی کۉپ تامانله‌مه محاکمه‌ قیلگنلر».

اولرنینگ بیاناتیگه کۉره‌، اوشبو صحبتلرنینگ اساسي موضوعلریدن بیری افغانستان دایاشپوراسینی سویس جمعیتی نینگ فعال و تأثیرچن بیر قِسمی صفتیده قَیته انگلش ضرورتی بۉلگن.

بیاناتده متخصصلرنینگ فکریچه، «مهاجرلر جماعه‌سی فقط اجتماعي یاردمگه محتاج انسانلر مجموعه‌سیدن عبارت اېمس، بلکه‌ او اجتماعي ترقیات، فقرالیک جمعیتینی مستحکملش و مدنیتلررا ملاقاتنی کېنگه‌یتیریشده مهم‌ رۉل اۉینشی ممکن بۉلگن قیمتلی انساني، علمي، مدني و کسبي صلاحیتگه هم اېگه‌. شو نقطهٔ نظردن، افغانستان دایاسپوراسی‌نینگ فقرالیک انستیتوتلری، اجتماعي توزیلمه‌لر، عامه‌وي اخبارات واسطه‌لری و جماعتچیلیک قرارلرینی قبول قیلیش جریانلریده ثمره‌لی اشتراک اېتیشی اوچون هم شرایط یره‌تیش ضرور».

ییغیلیشده متخصصلر، شونینگدېک، افغانستان دایاسپوراسی‌نینگ کېلیب چیقیش مملکتی و میزبان مملکتده‌گی سیاسي امکانیتلردن چېکلنیشی و محروم اېتیلیشی، اجتماعي انتیگراسیون‌ جریانیده‌گی مرکّبلیکلر، اولادلر اۉرته‌سیده‌گی تفاوتلرنینگ سوسیالوژیگ و پسیکولوژیگ جهتلری همده‌ افغان دایاسپوراسی جماعه‌سیده‌گی عمومي شرایط کبی مسأله‌لرنی محاکمه‌ قیلگنلر.

اولرنینگ تأکیدلشیچه، افغانستان جمعیتی‌نینگ اېتنیک، تیل، مدني و فکري جهتدن رنگ-برنگلیگینی حسابگه آلگن حالده، یخلیت و صلاحیتلی دایاسپوراسی‌ شکللنیشی اوچون کۉپلیکنی قبول قیلیش، اۉزارا حرمت و همکارلیک همده‌ جماعه‌وي فعالیتگه تۉسقینلیک قیلیشی ممکن بۉلگن کېلیشماوچیلیک و قره‌مه-قرشیلیکلرنی برطرف اېتیش ضرور.

ییغیلیشده اشتراک اېتگن متخصصلر «علاقه‌ و اۉزارا قۉللب-قوّتلش ترماقلرینی کېنگه‌یتیریش، دموکراسی تمایللرینی عملده قۉللش، دایاسپورا دایره‌سیده‌گی ملاقاتلرنی کۉپه‌یتیریش، پسیکولوژیگ خدمتلردن فایده‌لنیش امکانیتلرینی یخشیلش، ترماقلررا همکارلیکنی رواجلنتیریش، فقرالیک جمعیتی تشکیلاتلری اۉرته‌سیده‌گی همکارلیکنی مستحکملش و مهاجرلر نینگ اجتماعي همده‌ جماعت حیاتیده‌گی فعال اشتراکی اوچون شرایط یره‌تیش» ضرورلیگینی تأکیدله‌گنلر.

سویس‌ده کۉپلب افغانستانلیک مهاجرلر استقامت قیله‌دی. اولرنینگ اکثریتی بیر نېچه‌ اۉن ییللردن بویان سویس‌ده یشب کېلماقده، اَیریملری اېسه سۉنگگی ییللرده اوشبو مملکتگه کۉچیب بارگن.

شونگه قره‌مه‌ی، فعاللرنینگ ایتیشیچه، سویس‌ده‌گی افغانستانلیک مهاجرلر هنوز کېنگ کۉلملی معمالرگه دوچ کېلماقده. بو معمالر نینگ اَیریملری اولر اۉرته‌سیده ضرور درجه‌ده‌گی موافقلشوو و هم‌جهتلیک نینگ موجود اېمسلیگی بیلن باغلیق.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه