طالبلر تشقی ایشلر وزیرلیگی طالبان دَمشق، سوريه پایتختیدهگی کافهگه اویوشتیریلگن، عاقبتده تۉرت کیشی تینچ اهالی جان بېرگن هجومنی قارهلب، تینچ اهالیگه قرشی هجوملرنی اسلامي و انساني قدریتلرگه ضد دېب اتهدی.
طالبلر تشقی ایشلر وزیرلیگی سۉزلاوچیسی عبدالقهار بلخي بوگون (جمعه، ۱۲سرطان) نشر قیلگن بیاناتیده، بوندهی حادثهلر سوريهنینگ خوفسیزلیگی و برقرارلیگینی جدّي تهدید آستیگه قۉیهیاتگنینی بیلدیردی.
بیاناتده ایتیلیشیچه، طالبان دَمشقدهگی کافهگه اویوشتیریلگن هجومنی «کېسکین قارهلهیدی».
بلخينینگ قۉشیمچه قیلیشیچه، تینچ اهالیگه قرشی هجوملر «اسلامي و انساني قدریتلرگه ضد» بۉلیب، طالبلر بوندهی حادثهلرنی «سوريه خوفسیزلیگی و برقرارلیگی اوچون تشویشلی تهدید» دېب حسابلهیدی.
سوريهنینگ دولت اخبارات آژانسی سانا نینگ خبر بېریشیچه، تیناوون آقشام مملکت پایتختیدهگی کافهده یوز بېرگن پارتلش عاقبتیده کمیده تۉرت کیشی هلاک بۉلگن، ینه ۱۱کیشی یرهلنگن.
خبرگه کۉره، پارتلش دَمشق شهرینینگ النصر کۉچهسیدهگی الحجاز منطقهسیده صادر بۉلگن.
سوريه ایچکی ایشلر وزیرلیگی پارتلش «قۉلبامبی پارتلاوچی ماسلمه اۉرنهتیلگنی» عاقبتیده یوز بېرگنینی معلوم قیلگن.
حاضرچه اوشبو هجوم نینگ سببلری و اونی صادر اېتگن شخصلر انیقلنمهگن.
