نصیبه دایتبار، مهاجرلر حقلری فعالی و انسان حقلری حمایهچیسی، سویدن پارلمانیگه نامزاد بۉلدی.
او سوییدن پایتختی استکهلمدهگی سیلاو بۉلگهسیدن «محیط زیست حزبی» نامزادی صفتیده سیلاوده اشتراک اېتماقده.
نصیبه دایتبار ۲۰۲۲ییلگی سیلاولرده شهر کېنگشیگه سهیلنگن اېدی. اېندیلیکده او سویدن پارلمانیگه کیریش اوچون کورهش آلیب بارماقده.
او انسان حقلری یۉنهلیشیده ماستر درجهسینی آلگن بۉلیب، ۲۰۱۱ییلدن بویان انسان حقوقلری، مهاجرت و اجتماعي ساحهلرده، اینیقسه سویدندهگی مهاجرلر معمالری بیلن شغللنیب کېلماقده.
سویدن پارلمانی سیلاولری جاري ییل نینگ ۱۳-سپتامبر کونی بۉلیب اۉتیشی رېجهلشتیریلگن.
نصیبه دایتبار، افغانستانده توغیلگن بۉلیب، عالي تعلیمی نینگ بیر قِسمینی ارانده آلگن. کېینچهلیک او اروپاگه کۉچیب اۉتگن و سویدن فقرالیگینی قۉلگه کیریتگچ، اجتماعي همده سیاسي فعالیت بیلن شغللنه باشلهگن.
عینِ پیتده طالبان افغانستان ایچکریسیده عیاللر و قیزلرنی تعلیم آلیش، ایشلش همده سیاسي حیاتده اشتراک اېتیش حقوقیدن محروم اېتهیاتگن بیر وقتده، افغانستانلیک مهاجر عیاللر باشقه مملکتلرده مهم سیاسي لوازملرگه اینتیلماقده. بو اېسه اولر نینگ شخصي صلاحیتی و جمعیتگه موفقیتلی ادغام بۉلیشینی نمایان اېتماقده.
یقینده ینه بیر افغانستانلیک عیال الهه احرار امریکا نمایندهلر مجلسینینگ ویرجینيا ایالتیدهگی 7-سیلاو بۉلگهسیدن مستقل نامزاد صفتیده کانگرس سیلاولریده اشتراک اېتیشینی اعلان قیلگن اېدی.
