طالبلرنینگ کانلر و پترولیم وزیرلیگی افغانستاننینگ تخار ولایتی چاه آب اولسواللیگی حدودیدهگی «شولدره» و «وارچی» آلتین کانلرینی قزیب آلیش بۉییچه «عبدالبصیر محمدی افغان» خصوصي شرکتی بیلن شرطنامه امضالهگنینی معلوم قیلدی.
وزیرلیک بوگون (یکشنبه، ۱۴-سرطان) نشر قیلگن بیاناتیده، شرطنامه۱۰ییل مدتگه و۸۹ میلیون۶۴مینگ امریکا دالری قیمتیده توزیلگنینی بیلدیردی.
طالبلرنینگ کانلر و پترولیم وزیری هدایتالله بدري نینگ ایتیشیچه، شرطنامه طالبلر حکومتی فایدهسیگه۴۰ فایزلیک رویالتی نرخی اساسیده امضالنگن.
شونینگدېک، پودرتچی شرکت برچه فعالیتینی کانلر تۉغریسیدهگی قانون، تېگیشلی ترتیب-قاعدهلر و شرطنامهده بېلگیلنگن مجبوریتلرگه موافق آلیب باریشی شرط.
وزیرلیک نینگ معلوم قیلیشیچه، کمپنی هر ایکّی کان حدودیده اجتماعي خدمتلر اوچون۲ میلیون امریکا دالری اجرهتهدی.
بوندن تشقری، لایحه دایرهسیده۳ مینگ کیشیگه بېواسطه، ینه۴ مینگ کیشیگه بالواسطه ایش اۉرینلری یرهتیلهدی.
طالبلر بیر نېچه کون آلدین هم هرات ولایتی غوريان تومنی حدودیدهگی «نمکسار» کانی نینگ تۉرتینچی بلاکینی قزیب آلیش بۉییچه مذکور کمپنی بیلن۱۵ ییللیک شرطنامه امضالهگن اېدی.
طالبلر حاکمیتنی قَیته اېگهلهگنیدن بویان مملکت کانلرینی کېنگ مقیاسده قزیب آلیب، اولرنینگ محصولاتلرینی ساتیب کېلماقده.
بیراق اَیریم سیاسي گروهلر اوشبو شرطنامهلرنی ناقانوني دېب حسابلب، طالباننی افغانستان طبيعي بایلیکلرینی تالان-تاراج قیلیشده عیبلهماقده.
