روسيه بوگون تانگده (دوشنبه، ۱۵-سرطان) اوکراین پایتختی کییفگه کېنگ کۉلملی هجوملر اویوشتیردی. هجوم عاقبتده کمیده تۉقّیز کیشی هلاک بۉلدی،۴۶ کیشی اېسه یرهلندی.
رویترز خبرگزارلیگی کییف شهرداری ویتالی کلیچکو تهیهنیب خبر بېریشیچه، قوتقروو ایشلری دوام اېتماقده و بو یکوني رقم اېمس.
هجوم عاقبتیده «دارنیتسکی» منطقهسیدهگی ۳۰ قبتلی تورر جای بناسیده یانغین یوز بېردی.
شونینگدېک، تاریخي «پودیلسکی» تومنیدهگی ۲۱ و۹ قبتلی بنالر هم نشانگه آلینگن بۉلیب، اولرده قوتقروو ایشلری بیر نېچه ساعت دوام اېتدی.
کلیچکونینگ ایتیشیچه، مسکو بوگون تانگده کییفگه راکت و درونلر بیلن هجوم قیلیب، بیر نېچته کۉپ قبتلی بنالرنی نشانگه آلگن.
کییف حربي مأموریتی وکیللریدن تیمور تکاچنکونینگ معلوم قیلیشیچه، حاضرگچه کمیده تۉقّیز کیشینینگ هلاک بۉلگنی تصدیقلنگن، ینه ۴۶کیشی شهرنینگ تورلی حدودلریده یرهلنگن.
اونینگ سۉزلریگه کۉره، هجوم نتیجهسیده کمیده۱۵ ته تورر جای بناسی شکستلنگن یاکه ویران بۉلگن.
روسيه اۉتگن هفته پنجشنبه کونی هم اوکراینگه هلاکتلی هجوملر اویوشتیرگن اېدی.
اۉشهنده فقط کییف نینگ اۉزیده ۳۱ کیشی هلاک بۉلگن. رویترزنینگ یازیشیچه، ناتو و اروپا اتفاقیگه اعضا بۉلگن اوکراینه نینگ قۉشنی دولتی لهستان روسيه راکتلری و درونلری اوکراین اوزره اوچهیاتگن پیتده احتیاط چارهسی صفتیده قیسقه مدتگه اۉزی نینگ جنگاور اوچاقلرینی هواگه کۉتردی.
اوکراین جمهور رییسی والادیمیر زلنسکي کېچه کيیف اهالیسینی روسيهنینگ یقینلشهیاتگن هجومی حقیده آگاهلنتیرگن اېدی.
