بیرلشگن ملتلر تشکیلاتینینگ بالهلر جمغرمهسی (یونیسف)نینگ معلوم قیلیشیچه، افغانستاندهگی ساغلیقنی سقلش مرکزلرینی قۉللب-قوّتلش آرقهلی۶.۵میلیوندن آرتیق اهالینینگ طبي خدمتلردن فایدهلنیشیگه شرایط یرهتیلگن.
یونیسفنینگ بیلدیریشیچه، تشکیلات مملکتنینگ۳۴ ولایتیده۲ مینگ۳۹۳ ته دایمی ساغلیقنی سقلش مرکزی همده۱۶ته کۉچمه طبي مرکز فعالیتینی قۉللب-قوّتلهماقده.
تشکیلاتنینگ سۉنگّی گزارشیده قید اېتیلیشیچه،۳ مینگ۵۰۰ ته آزیقلنتیریش مرکزی کۉمهگیده آغیر تۉییب طعاملنمسلیک دن اذیت چېکهیاتگن۲۵ مینگ۷۳۸ بالهنینگ دوالنیشی تأمینلنگن.
یونیسف ینه تأکیدلشیچه، جمعیتگه اساسلنگن تعلیم تشبثلری آرقهلی۴۲ مینگدن آرتیق باله اوچون تعلیم آلیش امکانیتی یرهتیلگن بۉلیب، اولرنینگ۶۰ فایزینی قیزلر تشکیل اېتهدی.
تشکیلات معلوماتیگه کۉره، می آییده افغانستاننینگ تۉرت ولایتیدهگی۲۰ مینگ۸۲۱ ته عایلهگه هم نقد پول یاردمی ترقهتیلگن.
بیرلشگن ملتلر تشکیلاتی حساب-کتابیگه کۉره، حاضر افغانستانده۲۲ میلیون کیشی انسانپرورلیک یاردمیگه محتاج. اولرگه یاردم کۉرسهتیش اوچون۱.۷میلیارد امریکا دالری ضرور بۉلسه-ده، جاري ییل نینگ بیرینچی یرمیگچه اوشبو مبلغ نینگ اتیگی۱۶ فایزی تأمینلنگن.
