خوست ولایتیدهگی منبعلرنینگ معلوم قیلیشیچه، اوشبو ولایتنینگ تنی اولسواللیگیده۱۷ یاشلی ییگیت اۉزینی آسیب حیاتیگه نقطه قۉیگن.
بیر منبعنینگ ایتیشیچه، اۉز جانیگه قصد قیلگن شخصنینگ آتی اکرامالله بۉلیب، او سهشنبه کونی (۱۶سرطان) کېچکی پیت تنی اولسوالیگینینگ درگی منطقهسیده اوز حیاتیگه پایان بېرگن.
منبعگه کۉره، اکرامالله خوستدهگی خصوصي مکتبلردن بیرینینگ اۉقووچیسی بۉلگن. اونینگ اۉلیمیگه نیمه سبب بۉلگنی حاضرچه انیقلنمهگن.
منبع معلوماتیگه کۉره، اکراماللهنینگ دفن مراسمی بوگون (۱۷-سرطان، چهارشنبه) درگی قیشلاغیده اۉتکزیلهدی.
سۉنگگی۲۴ ساعت ایچیده بو افغانستانده قید اېتیلگن ایکّینچی شوندهی حادثه بۉلدی.
تیناوون پکتيا ولایتینینگ سمکنی اولسواللیگیده۲۷ یاشلی بیر ییگیت اۉز جانیگه قصد اېتگنی حقیده خبر بېریلگن اېدی. شونینگدېک، ایکّی کون اوّل فاریاب ولایتیده 25 یاشلی بیر ییگیتنینگ اۉز جانیگه قصد قیلگنی حقیده هم معلومات ترقهلگن.
متخصصلر افغانستانده بوندهی حادثهلرنینگ کۉپهییشیگه روحي سلامتلیک بیلن باغلیق معمالر، دوالنیش خدمتلریدن فایدهلنیش امکانیتینینگ چېکلنگنلیگی، قشّاقلیک و ایشسیزلیک طفیلی یوزهگه کېلهدیگن روحي باسیم همده کېلهجککه نسبتاً امیدسیزلیک کبی عامللر سبب بۉلهیاتگنینی تأکیدلهماقده.
