اسلام همکارلیک تشکیلاتی نینگ عیاللر مسألهلری بۉییچه تۉقّیزینچی وزیرلر ییغیلیشی اېرتهگه (یکشنبه، ۲۱-سرطان) پاکستانده باشلنهدی.
پاکستان تشقی ایشلر وزیرلیگینینگ معلوم قیلیشیچه، ییغیلیش اسلام آبادده ایکّی کون دوام اېتهدی.
پاکستان انسان حقوقلری وزیرلیگیگه کۉره، تدبیرده اسلام همکارلیک تشکیلاتیگه اعضا۷۵ دولتدن۱۹۰نفر نماینده اشتراک اېتهدی.
ییغیلیشدن کۉزلنگن مقصد خاتین-قیزلر حقوقلرینی حمایه قیلیش، اولرنینگ سیاسي و اقتصادي اشتراکینی کوچهیتیریش، شونینگدېک، عیاللرنینگ رقملی دنیادهگی امکانیتلری و فعاللیگینی قۉللب-قوّتلشدن عبارت.
اسلام مملکتلری وکیللری عیاللرنینگ سیاسي و کسبي اشتراکینی کېنگهیتیریش، اقتصادي منبعلر و مالیوي خدمتلردن فایدهلنیش امکانیتلرینی آشیریش همده تکنالوژي ساحهسیدهگی جندر تفاوتینی کمهیتیریش یۉللرینی محاکمه قیلیشی رېجهلشتیریلگن.
پاکستان انسان حقوقلری وزیرلیگی فیس بوکیده نشر قیلگن خبرده اشتراکچی دولتلر قطاریده افغانستان نینگ اوچ رنگلی بیراغی هم عکس اېتگن.
بیراق طالبلر حاضرچه مذکور ییغیلیشده اشتراک اېتیشی یاکه اېتمسلیگی حقیده ایضاح بېرمهگن.
اۉتگن ییلی هم پاکستان شونگه اۉخشش ییغیلیشگه مېزبانلیک قیلگن اېدی، بیراق طالبلر اونده قتنهشمهگن.
اۉتگن ییلگی تدبیر «مسلمان جمعیتلریده قیزلر تعلیمی بۉییچه خلقارا کنفراس» نامی بیلن اۉتکزیلگن بۉلیب، اونده یونیسف و یونسکو هم اشتراک اېتگن. کنفرانسده عیاللر و قیزلرنینگ تعلیم آلیش حقوقینی تأمینلش ضرورلیگی تأکیدلنگن.
