طالبلرنینگ قندهار ولایتی امنیه قوماندانلیگی سۉزلاوچیسی اسدالله جمشید، بیر عیال ولایت مرکزیده اېرینی پیچاقلب اۉلدیرگنینی معلوم قیلدی.
جمشیدنینگ ایتیشیچه، حادثه تیناوون (شنبه، ۲۰-سرطان) توشدن کېین قندهار شهری حدودیدهگی «لویهویاله» منطقهسیدهگی «نازک کوتی» یقینیده صادر بۉلگن.
اونینگ قۉشیمچه قیلیشیچه، عیال اېرینی اۉلدیرگندن سۉنگ باشقه بیر شخص بیلن واقعه جاییدن قاچیب کېتگن.
جمشیدنینگ سۉزلریگه کۉره، مذکور حادثه یوزهسیدن تېرگاو ایشلری دوام اېتماقده، بیراق حاضرچه قاتللیک سببی انیقلنمهگن و گمانلنووچی عیال هم قۉلگه آلینمهگن.
محلي منبعلرنینگ اطلاعات روزگه معلوم قیلیشیچه، اۉلدیریلگن شخص۲۷یاشلی برکتالله بۉلیب، فراه ولایتینینگ پرچمن اولسواللیگیدن بۉلگن.
منبعلرنینگ ایتیشیچه، برکتالله و اونینگ خاتینی تخمیناً ایکّی آی آلدین تورموش قورگن.
اولرنینگ یقینلری اېر-خاتین اۉرتهسیده هېچ قندهی معما یاکه کېلیشماوچیلیک موجود بۉلمهگنینی بیلدیرگن.
سۉنگگی ییللرده عایلهوي زۉروانلیک حالتلری کۉپراق قید اېتیلهیاتگن بۉلسه-ده، عیال تامانیدن اېرنینگ اۉلدیریلیشی اېر تامانیدن عیال نینگ اۉلدیریلیشیگه نسبتاً انچه کم اوچرهیدی.
