طالبلرنینگ ننگرهار ولایتیدهگی محلي رسميلری بیرلشگن ملتلر تشکیلاتی نینگ انسانپرورلیک یاردمی آرتیلگن۵۶ ته یوک موتری تورخم چېگره اۉتیش یۉلی آرقهلی افغانستانگه کیرگنینی معلوم قیلدی.
طالبلرنینگ ننگرهار اخبارات و مدنیت ادارهسی اطلاعات بۉلیمی باشلیغی قوریشي بدلون نینگ ایتیشیچه، اوشبو یوک موترلری بوگون (سهشنبه،۲۳-سرطان) اېرتهلب طالبان و پاکستان اۉرتهسیدهگی موافقلشتیریش نتیجهسیده مملکتگه کیرگن.
اونینگ قۉشیمچه قیلیشیچه، یوک موترلری جهان ساغلیقنی سقلش تشکیلاتینینگ افغانستان اوچون مۉلجللنگن انسانپرورلیک یاردمینی آلیب کېلگن.
قوریشي بدلون، شونینگدېک، پاکستان هر بیر یوک موترینینگ اۉتیشیگه رخصت بېریش عوضیگه جهان ساغلیقنی سقلش تشکیلاتیدن حق آلگنینی دعوا قیلگن.
افغانستان و پاکستان اۉرتهسیدهگی چېگره اۉتیش یۉللری قریب بیر ییلدن بویان یاپیق بۉلیب، حاضرده ایکّی دولت اۉرتهسیده قوروقلیک آرقهلی نه آدملر حرکتی، نه تجارت عملگه آشیریلماقده.
شونگه قرهمهی، پاکستان مجبورن چیقریب یوباریلگن افغانستان مهاجرلری همده اَیریم حاللرده بیرلشگن ملتلر تشکیلاتینینگ انسانپرورلیک یاردمی آرتیلگن یوک موترلری نینگ چېگردن اۉتیشیگه رخصت بېرماقده.
