طالبلر نظارتیدهگی افغانستان طبيعي آفتلر بیلن کورهشیش ملی ادارهسی قندهار ولایتیده شوروی و افغانستان اوروشی دوریدن قالگن ۵۰۰ کیلوگراملی بمب تاپیلیب، ضررسیزلنتیریلگنینی معلوم قیلدی.
اداره بوگون (شنبه، ۲۷-سرطان) نشر قیلگن ویدیو گزارشیده «افایبی-۵۰۰» روسومیدهگی بمب قندههار ولایتینینگ شاه ولی کوت اولسواللیگیده انیقلنگنی و ضررسیزلنتیریلگنینی بیلدیردی.
طالبلرنینگ طبيعي آفتلر بیلن کورهشیش ادارهسی معلوماتیگه کۉره، بمب «هلو ترست» ماینلردن تازهلش تشکیلاتی نینگ تېزکار گروهی همکارلیگیده خوفسیز طرزده یۉق قیلینگن.
اداره نینگ تأکیدلشیچه، بمب تورر جایلرگه یقین منطقهده جایلشگن بۉلیب، محلي اهالی اوچون جدّي خوف توغدیرهیاتگن اېدی.
طالبلر اۉتگن ییل نینگ جدي آییده هم هرات ولایتینینگ انجیل اولسواللیگیده اۉتگن اوروشلردن قالگن ینه بی ۵۰۰ کیلوگراملی بمب تاپیلیب، ضررسیزلنتیریلگنینی معلوم قیلگن اېدی.
بیر نېچه اۉن ییللیک اوروشلر عاقبتیده افغانستان نینگ کتّه قِسمی ماینلر و پارتلهمهگن اۉق-داریلر بیلن افلاسلنگن.
بیرلشگن ملتلر تشکیلاتی معلوماتلریگه کۉره، افغانستانده۳.۳ میلیون کیشی ماینلر و پارتلاوچی مادّهلر بیلن افلاسلنگن حدودلردن بیر کیلومترده یشهیدی.
