طالبلر نظارتیدهگی افغانستان طبيعي حادثهلرگه تیارلیک و قرشی کورهش ادارهسینینگ معلوم قیلیشیچه، نورستان ولایتیدهگی سېل عاقبتیده هلاک بۉلگنلر سانی۲۳ نفرگه یېتگن، ینه۱۰۰نفردن آرتیق کیشی بېدرَک یۉقالگن.
مذکور اداره مطبوعات سۉزلاوچیسی اۉرینباسری تاج محمد هِمت بوگون (سهشنبه، ۳۰-سرطان) نشر قیلگن ویدیو پیامیده حاضرگچه قربانلر نینگ 15 نفرینینگ جسدی تاپیلگنینی، قیدیروو-قوتقروو ایشلری اېسه همان دوام اېتهیاتگنینی بیلدیردی.
اونینگ ایتیشیچه، کېچهگی سېل عاقبتیده۷ ته اوی تۉلیق،۲۳ ته اوی قسماً ویران بۉلگن. شونینگدېک، پارون شهریدهگی۷۰ ته دوکان و۱۱ته مهمانخانه تۉلیق یاکه قسماً ضرر کۉرگن،۴۰ته ترانسپورت واسطهسی اېسه بوتونلهی یۉق قیلینگن.
تیناوون نورستانده کوچلی یامغیر یاغیشی آرتیدن ولایت مرکزیده سېل یوز بېردی. پارونگه آلیب بارووچی یۉللر هم ضرر کۉرگنلیگی سببلی، قوتقروو گروهلری و شاشیلینچ یاردملرنینگ واقعه جاییگه یېتیب باریشی قیینلشگن.
