«افغانستان بیرلشگن جبههسی» اۉز کوچلری غور ولایتینینگ الفاروق اولسواللیگیدهگی طالبلرنینگ بیر «تۉلی» (حربي بۉلینمه)گه اویوشتیرگن هجومده ایکّی طالب اۉلدیریلگن و ینه تۉرت طالب یرهلنگنینی دعوا قیلدی.
جبههنینگ اعلان قیلگن بیاناتگه کۉره، هجوم تیناوون (پنجشنبه، ۱۵-اسد) عملگه آشیریلگن.
«افغانستان بیرلشگن جبههسی» نینگ ادعا قیلیشیچه، اونینگ کوچلری مذکور حربي بۉلینمهنی اېگهللب آلگن، هجوم دوامیده اېسه طالبلرنینگ بیر قطار جنگچیلری اوشبو قرارگاهنی ترک اېتیب قاچگن.
طالبلرنینگ غور ولایتیدهگی محلي مسووللری حاضرچه بو دعوالر یوزهسیدن هېچ قندهی ایضاح بېرمهگن.
«افغانستان بیرلشگن جبههسی» طالبانگه قرشی قوراللی گروهلردن بیری بۉلیب، یقینده اوشبو گروهگه قرشی حربي عملیاتلرینی باشلهگنینی اعلان قیلگن.
بیراق حاضرگچه طالبلر هم، مستقل منبعلر هم مذکور هجوم حقیدهگی دعوالرنی تصدیقلهمهگن یاکه رد اېتمهگن.
