«افغانستان آزادلیک جبههسی» اۉز کوچلری ننگرهار ولایتی جلال آباد شهرینینگ آلتینچی ناحیهسیدهگی طالبلر استخبارات باشلیغی قرارگاهیگه اویوشتیرگن هجومده ایکّی طالب اۉلدیریلگن و ینه بیر طالب اېسه یرهلنگنینی دعوا قیلدی.
جبهه اعلان قیلگن بیاناتگه کۉره، اوشبو هجوم تیناوون (پنجشنبه، ۱۵اسد) کېچقورون عملگه آشیریلگن.
«افغانستان آزادلیک جبههسی» نینگ بیلدیریشیچه، جلال آباد شهرینینگ آلتینچی ناحیهسیدهگی طالبلر استخبارات باشلیغینینگ تقدیری حاضرچه نامعلوم.
طالبلرنینگ ننگرهار ولایتیدهگی محلي مسووللری حاضرگچه اوشبو هجوم یوزهسیدن هېچ قندهی ایضاح بېرمهگن.
سۉنگگی پیتلرده «افغانستان آزادلیک جبههسی» طالبلرگه قرشی هجوملرینی کوچهیتیرگنینی معلوم قیلماقده.
جبهه بوندن اوّل هم کېچه کېچقورون طالبلر نظارتیدهگی کابل حربي قۉنالغهسیده هجوم اویوشتیریلگنی حقیده بیانات بېرگن.
