طالبلرنینگ کانلر و پترولیم وزیرلیگی مملکت غربیدهگی هرات ولایتیده «گُلبهار» سمنت ایشلب چیقریش فابریکه قوریلیشیگه تمل تاشی قۉییلگنینی معلوم قیلدی.
وزیرلیکنینگ بیلدیریشیچه، فابریکه قوریلیشی بوگون (یکشنبه،۱۸ اسد) طالبلر باش وزیری نینگ اقتصادي مسألهلر بۉییچه اۉرینباسری عبدالغنی برادر اشتراکیده باشلنگن.
عبدالغنی برادر اوشبو لایحهنی مملکتنینگ سمنت ایشلب چیقریشده اۉزینی اۉزی تأمینلش یۉلیدهگی مهم قدم دېب بهالب، فابریکه ایشگه توشگچ، سمنت آلیب کېلیشگه قرهملیک کمهییشینی تأکیدلهدی.
او طالبلرنینگ مسوول ادارهلری و لایحه تخنیکي گروهیدن قوریلیش ایشلرینی بېلگیلنگن مدتده و صفتلی یکونلشنی سۉرهدی.
طالبلرنینگ کانلر و نفت وزیری هدایتالله بدري نینگ ایتیشیچه، لایحه قیمتی قریب۱۴۳ میلیون اقش دالرینی تشکیل اېتهدی.
اونینگ قۉشیمچه قیلیشیچه، فابریکه فایدهلنیشگه تاپشیریلگچ، کونیگه قریب۳ مینگ تُن سمنت ایشلب چیقریش قوّتیگه اېگه بۉلهدی.
عینِ پیتده افغانستان اۉز احتیاجی اوچون ضرور سمنت نینگ کتّه قِسمینی قۉشنی دولتلردن، اینیقسه ایراندن وارد قیلماقده.
ایران یېتکرمهلری اوّلراق پاکستان و افغانستان چېگرهلری یاپیلگچ، ایراننینگ افغانستانگه سمنت صادراتی هفتهسیگه۱مینگ تُنگچه کمهیگنینی خبر قیلگن.
