بیرلشگن ملتلر تشکیلاتی باش کاتبی نینگ اۉرینباسری امینه محمد طالبلرنینگ افغانستانده حاکمیتنی اېگهلهگنیگه بېش ییل تۉلیشی مناسبتی بیلن یۉلهگن خبریده افغانستان عیاللری و قیزلری هنوزگچه اۉز حقوقلریدن محروم بۉلیش یوکینی کۉتریب کېلهیاتگنینی، اولر نینگ کېلهجککه بۉلگن امید و آرزولری اېسه ناانیق حالتده قالهیاتگنینی ایتدی.
او ایکس پُستیده شوندهی یازگن: «افغانستان عیاللرینی اۉز حالیگه تشلب قۉیمسلیگیمیز کېرهک. کېلینگ، اولرنینگ آوازینی عکس اېتتیریشده دوام اېتهیلیک و اولر نینگ تعلیم آلیش همده اقتصادیاتده اشتراک اېتیش حقوقیگه اېریشیش یۉلیدهگی سعی-حرکتلرینی قۉللب-قوّتلشده قطعي تورهیلیک».
طالبلر بوگون (شنبه،۲۴ اسد) اوشبو گروه نینگ حاکمیتگه قَیتگنینینگ بېش ییللیگینی نشانلهدی.
بو گروه بېش ییل آلدین، ۱۴۰۰ییل۲۴ اسدده افغانستان پایتختی کابلنی اېگهللب، ییگیرمه ییلدن سۉنگ ینه حاکمیتگه قَیتگن اېدی.
طالبلر سۉنگّی بېش ییل دوامیده فقرالرنینگ، اینیقسه عیاللرنینگ حقوق و اېرکینلیکلریگه کېسکین چېکلاولر جاري قیلدی.
بیرلشگن ملتلر تشکیلاتینینگ عیاللر بۉلیمی حساباتیده ایتیلیشیچه، طالبلر افغانستانده سۉنگّی بېش ییل دوامیده عیاللر و قیزلرگه قرشی 100 دن آرتیق فرمان چیقرگن. بو فرمانلر کمسیتیشنی نهادیللشتیریب، اولرنینگ اساسي حقوقلریدن محروم بۉلیشیگه سبب بۉلگن.
افغانستان عیاللری و قیزلری حاضرده تعلیم آلیش، ایشلش و اېرکین حرکتلنیش حقوقیدن محروم.
