منبعلر بدخشاندهگی ناراضی طالبلر قوماندانی جمعه خان فاتح اوشبو گروهگه تسلیم بۉلگنی و فیض آبادگه آلیب کېلینگنینی تصدیقلهدی.
او و اونینگ قۉل آستیدهگی کیشیلر اۉتگن هفتهدن بېری نسی اولسواللیگیده طالبان کوچلری بیلن تۉقنهشیب کېلهیاتگن اېدی.
منبعلرگه کۉره، طالبان اوردوسی باشلیغی فصیح الدین فطرت فاتح بیلن مذاکره اۉتکزیش اوچون نسی گه بارگن.
منبعلر فاتح فطرت بیلن مذاکرهدن سۉنگ اۉزینی طالبان کوچلریگه تسلیم قیلگنینی ایتدی.
طالبلر اعضالری هم اجتماعي ترماقلرده ویدیولر ترقهتیب، فاتح نینگ تسلیم بۉلگنینی معلوم قیلگن.
اوشبو ناراضی قوماندان نینگ تسلیم بۉلیش شرطلری حاضرچه انیق اېمس.
طالبلر نینگ بدخشاندهگی خوفسیزلیک منبعلری بی بی سی گه فاتح گه قرهشلی کوچلرنی تۉلیق قورالسیزلنتیریش تسلیم بۉلیش شرطلریدن بیری اېکنینی ایتگن.
فاتح نینگ اۉزی حاضرچه طالبلرگه تسلیم بۉلگنی حقیده هېچ قندهی ایضاح بېرمهگن.
او تۉقنهشوولر باشلنگنیدن کېین طالبلر بیلن معماسی یۉقلیگینی، بلکه معما گروه نینگ بدحشانگه یوباریلگن بۉلینمهسی بیلن اېکنینی ایتگن اېدی. فاتح طالبل بۉلینمهسینی تینچ اهالینی اۉلدیریشده عیبلهگن.
