بیرلشگن ملتلر تشکیلاتینینگ عیاللر بۉییچه توزیلمهسی اجرایی مدیری سیما باهوس، افغانستانده عیاللر و قیزلرنی جمعیتدن چېتلشتیریش هېچ قچان عادتي حال صفتیده قبول قیلینمسلیگی کېرهکلیگینی ایتدی.
او بوگون، دوشنبه کونی (۲۶اسد)، طالبلرنینگ حاکمیتگه قَیتگنیگه بېش ییل تۉلیشی مناسبتی بیلن ایکس اجتماعي ترماغیده نشر قیلگن پیامیده عیاللر حقوقلری مذاکره موضوعسی اېمسلیگینی تأکیدلهدی.
بیرلشگن ملتلر تشکیلاتینینگ عیاللر بۉییچه توزیلمهسی مدیری سیما باهوس افغانستان عیاللری و قیزلری بیلن بیرگه اولرنینگ حقوقلری، قدر-قیمتی و آوازینی حمایه قیلیش اوچون توریشینی یازدی.
بیرلشگن ملتلر تشکیلاتی عیاللر بۉییچه توزیلمهسی طالبلرنینگ افغانستانده حاکمیتنی اېگهلهگنیگه بېش ییل تۉلیشی مناسبتی بیلن اعلان قیلگن بیاناتیده، اوشبو گروه سۉنگگی بېش ییل دوامیده عیاللر و قیزلرگه قرشی 100 دن آرتیق فرمان چیقرگنینی معلوم قیلدی.
تشکیلات نینگ قۉشیمچه قیلیشیچه، طالبان کمسیتیشنی نهادینه لشتیریش حالگه کېلتیریش آرقهلی عیاللر و قیزلرنی اساسي حقوقلریدن محروم قیلگن. بیرلشگن ملتلر تشکیلاتی معلوماتیگه کۉره، فقط سۉنگگی بیر ییل نینگ اۉزیده عیاللر و قیزلر نینگ تعلیم، بندلیک، جماعت حیاتی، محکمه تیزیمی و طبي خدمتلردن فایدهلنیش امکانیتلریدن محروم اېتیلیشی ینه-ده کوچهیگن. بو اېسه دنیاده عیاللر حقوقلری بۉییچه هنوز اېنگ آغیر بحران حسابلنهدیگن وضعیتنی ینه-ده چوقورلشتیرگن.
