»افغانستان آزادلیک جبههسی» تیناوون کابل غربیدهگی مکتبده یوز بېرگن پارتلشنی «ترورچیلیک هجومی» و «هزارهلرگه قرشی اویوشتیریلگن هجوملرنینگ دوامی» دېب قارهلهدی.
مذکور جبهه بوگون اېرتهلب (سهشنبه،۲۷ اسد) ایکسدهگی بیاناتیده اوشبو حادثه قربانلرینینگ عایلهلریگه همدردلیک بیلدیرگن.
«افغانستان آزادلیک جبههسی» شوندهی دېدی: «بو جنایي هجوم هزارهلر و شیعه جماعهسیگه، خصوصاً، کابل غربیدهگی اۉقووچیلر و تینچ اهالیگه قرشی عملگه آشیریلهیاتگن ترورچیلیک و اویوشگن هجوملر زنجیری نینگ دوامیدیر.»
جبهه نینگ قۉشیمچه قیلیب، یاش اۉقووچیلرنی نشانگه آلیش آچیق-آیدین «تروریزم و انسانیتگه قرشی جنایت» اېکنینی و بونینگ هېچ قندهی آقلاوی یۉقلیگینی بیلدیردی.
«افغانستان آزادلیک جبههسی» نینگ ایتیشیچه، بوندهی هجوملر نینگ تکرارلنیشی طالبلرنینگ افغانستانده عمومي خوفسیزلیکنی تأمینلهگنی حقیدهگی دعواسینی «کتّه یالغان و خلقنی الدهش» اېکنینی اثباتلهیدی.
جبهه نهفقط طالباننی هزارهلر یشه یدیگن جماعت جایلریده خوفسیزلیکنی تأمینلهی آلمهگنلیکده عیبلهگن، بلکه «طالبان ایچیدهگی توزیلمهلر و اَیریم گروهلر» بوندهی حادثهلرده رۉل اۉینهیاتگنینی هم بیلدیرگن.
«افغانستان آزادلیک فرونت جبههسی» خلقارا همجمعیت و مسوول خلق ارا تشکیلاتلردن اوشبو حادثهنی جدّي و مستقل روشده تېرگاو قیلیش همده اونینگ آرتیده تورگنلرنی انیقلشنی سۉرهگن.
تیناوون (دوشنبه،۲۶ اسد) ساعت تخمیناً۴:۳۰ده کابل شهری نینگ ۱۸-خوفسیزلیک ناحیهسیگه قرهشلی دشت برچی حدودیدهگی مهديه شهرچهسیده جایلشگن «شمع هدایت» خصوصي مکتبی حویلیسیده پارتلش یوز بېرگن.
طالبان حادثه یوز بېرگنینی تصدیقلهگن، بیراق قۉشیمچه تفصیلاتلر بېرمهگن.
محلي منبعلر یېتکرمهلرگه بېرگن معلوماتیده اوشبو حادثهده قریب۵۰ اۉقووچی جراحتلنگنینی ایتگن.
