طالبلر ترغیباتچیلریدن بۉلگن و سۉنگگی پیتلرده بو گروهنی تنقید قیلگن رحیم اسکندر طالبلر استخباراتی تامانیدن خوستده حبسگه آلینگن.
خوستدهگی منبعلردن بیری نینگ ایتیشیچه، رحیم اسکندر تیناوون (شنبه،۳۱ اسد) خوست شهریدهگی دوکانیدن حبسگه آلینیب، طالبلر استخبارات کوچلری تامانیدن نامعلوم جایگه آلیب کېتیلگن.
منبع نینگ ایتیشیچه، رحیم اسکندر سۉنگگی پیتلرده طالبلر حکومتی نینگ سیاستینی منتظم تنقید قیلیب کېلگن و فیس بوکده بو بارهده تورلی موضوعلرنی نشر قیلگن.
موجود معلوماتلرگه کۉره، رحیم اسکندر اوّلراق کابلده طالبلرگه یقین بۉلگن «حریت» رادیوسیده هم ایشلهگن. بیراق او اۉتگن ییلی طالبان تامانیدن حبسگه آلینیب، ایشدن بۉشهتیلگن اېدی.
رحیم اسکندر قریب بیر ییلدن بویان خوست شهریده کییم-کېچک دوکانینی یوریتیب کېلگن.
