طالبلرنینگ پنجشیر ولایتیدهگی والی ادارهسی اوشبو ولایت کانلریدن قزیب آلینگن۳ مینگ ۸۴۲ قیراط زمرد۳۳ میلیون افغاني قیمتیده ساتیلگنینی معلوم قیلدی.
پنجشیر ولایتی طالبلر حاکمینینگ مطبوعات سۉزلاوچیسی سیفالدین لتون اوشبو مقداردهگی زمرد بوگون، سهشنبه، ۳-سنبله کونی کیم آشتی سوداسی آرقهلی ساتیلگنینی ایتدی.
اونینگ قۉشیمچه قیلیشیچه، مذکور زمردلر سۉنگگی ایکّی هفته دوامیده پنجشیرنینگ حصه اوّل اولسواللیگیدهگی کانلردن قزیب آلینگن و محلي سوداگرلرگه ساتیلگن.
طالبلر افغانستانده حاکمیتنی قَیته قۉلگه آلگنیدن بویان پنجشیر زمرد کانلرینی منتظم روشده قزیب آلیب، اولرنینگ محصولاتلرینی ساتیب کېلماقده.
اوشبو گروهنینگ ایتیشیچه، پنجشیر زمردلرینی ساتیشدن توشگن مبلغ نینگ۱۰فایزی اولرنینگ خزینهسیگه اۉتکزیلهدی، قالگن قِسمی اېسه شرطنامه اساسیده ایشلهیاتگن کمپنیلرگه بېریلهدی.
طالبلر زمرد کانلریدن تشقری، پنجشیردهگی آلتین، یاقوت، گرینگارنت و بیروج کانلرینی هم قزیب آلماقده.
طالبلر تامانیدن مملکت کانلرینی قزیب آلیش جریانی کېنگ تنقیدلرگه هم سبب بۉلماقده. بیر قطار سیاسي گروهلر طالباننی مملکت کانلرینی تالان-تاراج قیلیشده عیبلهگن.
