منبعلرگه کۉره، قندهار ولایتینینگ شاه ولی کوت اولسوالیگیدهگی دهله تۉغانیده بیر عایلهنینگ بېش اعضاسی سووگه چۉکیب، هلاک بۉلگن.
بیر منبع «اطلاعات روز» گزیتهسیگه معلوم قیلیشیچه، واقعه تیناوون (چهارشنبه،۴سنبله) توشدن کېین صادر بۉلگن.
منبعنینگ ایتیشیچه، 33 یاشلی «نور احمد» بېش فرزندی بیلن قَییقده بۉلگن. قَییق سوونینگ اۉرتهسیده اغدریلیب کېتگنیدن سۉنگ، اونینگ فقط بیر نفر یاش فرزندی قوتقریلگن.
منبعگه کۉره، نور احمد ایکّی قیزی و ایکّی اۉغلی بیلن بیرگه سووگه چۉکیب، هلاک بۉلگن. حاضرگچه اونینگ ایکّی قیزینینگ جسدی تاپیلگن.
منبع نور احمد اصلیده ژیری اولسواللیگینینگ سنجری منطقهسیده یشهگنینی و فرزندلری بیلن دَم آلیش اوچون دهله تۉغانیگه بارگنینی ایتدی.
سووگه چۉکیش افغانستاندهگی تۉغانلر و دریالر کبی سیاحلیک همده دَم آلیش مسکنلریده تېز-تېز صادر بۉلهدیگن اۉلیم بیلن یکونلنووچی حادثهلردن بیری دیر. سیاحلرنینگ سوزیشنی و حدود شرایطینی یخشی بیلمسلیگی، شونینگدېک، بوندهی جایلرده ضرور جهازلر و قوتقرووچیلر نینگ یۉقلیگی آدملرنینگ هلاک بۉلیشیگه آلیب کېلهدیگن اساسي سببلر صفتیده کۉرسهتیلهدی.
