جهان آزیق-آوقت دستوری اروپا اتفاقی افغانستان بۉیلب اقلیمگه چیدملیلیکنی و محلي آزیق-طعام تیزیملرینی مستحکملش اوچون ۱۵ میلیون یورو مبلغ اجرهتگنینی معلوم قیلدی.
اوشبو تشکیلات بوگون (جمعه،۶-سنبله) ایکسدهگی پستی آرقهلی اروپا اتفاقینینگ بو بارهدهگی یاردمیدن ممنونلیگینی بیلدیرگن.
جهان آزیق-آوقت دستورینینگ ایتیشیچه، اوشبو مبلغ اهالی تورموشینی قۉللب-قوّتلش، عیاللر و یاشلر اوچون اقتصادي امکانیتلر یرهتیش همده تشکیلات نینگ «مکتبلرده طعاملنیش» دستورینی کوچهیتیریشگه یاردم بېرهدی.
مذکور یاردم افغانستاندهگی انسانپرورلیک یاردم دستورلری جدّي مبلغ تنقیصلیگیگه دوچ کېلهیاتگن بیر پیتده اجرهتیلدی.
جهان آزیق-آوقت دستوری اوّلراق مبلغ یېتیشمسلیگی سببلی اَیریم احتیاجمندلرنی آزیق-طعام یاردمی آلووچیلر رۉیخطیدن چیقریشگه مجبور بۉلگنینی معلوم قیلگن اېدی.
بیرلشگن ملتلر تشکیلاتینینگ معلوماتلریگه کۉره، جاري ییلده افغانستانده۲۱.۹میلیون کیشی انسانپرورلیک یاردمگه محتاج. انسانپرورلیک تشکیلاتلر اېسه۱۷.۵میلیون کیشیگه یاردم کۉرسهتیشنی اوستوار وظیفه صفتیده بېلگیلهگن.
بیرلشگن ملتلر تشکیلاتی اوشبو آدملرگه یاردم کۉرسهتیش اوچون۱.۷میلیارد دالر مبلغ سۉرهگن. بیراق حاضرگچه بو مبلغ نینگ اتیگی۲۹.۱۸فایزی تأمینلنگن و دستور۱.۲میلیارد دالرلیک مالیوي تقچیللیککه دوچ کېلماقده.
