انسان حقوقلرینی حمایه قیلووچی ههنگاو تشکیلاتی ایران حکومتی مشهد شهریدهگی وکیل آباد قماقخانهسیده ایکّی نفر افغانستان وطنداشینی اعدام قیلگنینی معلوم قیلدی.
اوشبو تشکیلات خبریگه کۉره، افغانستان نینگ ۵۲یاشلی انصار نامی و ۴۶ یاشلی نظیف رسول خوانده اسملی ایکّی وطنداشینینگ شخصی انیقلنگن. اولرنینگ اۉلیم جزاسی چهارشنبه کونی (۱۱-سنبله) تانگده مشهد مرکزي قماقخانهسیده مخفي طرزده، عایلهلری بیلن سۉنگگی بار اوچرهشیش حقوقیسیز اجرا اېتیلگن.
ههنگاو معلوماتیگه کۉره، بو ایکّی شخص قریب ایکّی ییل اوّل توگللنمهگن بناده ایکّی کیشینینگ اۉلدیریلیشی بیلن باغلیق عمومي ایش دایرهسیده حبسگه آلینگن و ایران اسلام جمهوریتی محکمه تیزیمی تامانیدن قصاص جزاسی نفسگه حکم قیلینگن.
گزارش تیارلنگن وقتگه قدَر اوشبو شخصلرنینگ قتل اېتیلگنی حقیدهگی خبر ایران حکومتیگه قرهشلی رسانهلرده نشر قیلینمهگن.
ایران انسان حقوقلری تشکیلاتی معلوماتلریگه کۉره، ۲۰۲۵-ییلده اېیرانده کمیده ۸۴ نفر افغانستانلیک اعدام اېتیلگن.
قید اېتیلیشیچه، بو شخصلرگه قۉییلگن عیبلاولر اساسن گیاهوند مادّهلر بیلن باغلیق جنایتلر، قاتللیک یاکه قصاص نفس همده جنسي زۉراورلیک بیلن باغلیق بۉلگن.
ایران انسان حقوقلری تشکیلاتی معلوماتیگه کۉره، ایرانده افغانستان وطنداشلرینینگ قتل اېتیلیشی کۉپهیگن.
