بوگون، یک‌شنبه ۳عقرب توشدن کېین آلمان‌نینگ هامبورگ شهریده ۲۹ میزان، اوزبیک تیلی ملی کونی مناسبتی بیلن افغانستانلیک اۉزبېکلر اشتراکیده مدني محفل اۉتکزیلدی.
مذکور محفل آلمانده یشه‌یاتگن افغانستانلیک اۉزبېکلر تامانیدن تشکیل اېتیلگن بۉلیب، اونده عیاللر، یازووچیلر، مدنی فعاللر و یاشلر اشتراک اېتدی.
محفل‌ده سۉزگه چیققنلر ۲۹-میزان، اۉزبېک تیلی ملي کونی‌نینگ اهمیتی، آنه تیلینی اۉرگنیش ضرورتی، شونینگدېک، اۉزبېک تیلی و ادبیاتی‌نینگ مدني اۉزلیکنی سقلش همده ادبي میراثنی کېله‌جک اولادلرگه یېتکزیشده‌گی اۉرنی حقیده سۉز یوریتدیلر.
تدبیر نینگ باشقه قِسملریده شعرخوانلیک و موسیقی چیقیشلری هم نمایش اېتیلدی. اشتراکچیلر تورلی مدني دستورلر آرقه‌لی افغانستانلیک اۉزبېکلر نینگ صنعتی و ادبي میراثی گ‌نینگ بیر قِسمینی نمایش اېتدیلر.
محفل دوامیده اۉزبېکلرنینگ ملي طعاملری، هنرمندچیلیک بویوملری، عنعنوي کییملری همده تورلی قدیمي بویوملر هم کۉرگزمه‌گه قۉییلدی.
تشکیلاتچیلر اوشبو تدبیردن کۉزلنگن مقصد اۉزبېک تیلینی اولوغلش، آلمانده یشه‌یاتگن افغانستانلیک اۉزبېکلر اۉرته‌سیده‌گی مدني علاقه‌لرنی مستحکملش همده آنه تیلینی اۉرگنیش و اسره‌ب-اویلشگه کۉپراق اعتبار قره‌تیشدن عبارت اېکنینی تأکیدله‌دیلر.
