«جهان عدالتی لایحه‌سی» یقینده «قانون اوستوارلیگی شاخصی» گزارشینی نشر قیلدی. گزارشگه کۉره، افغانستان جَنوبي آسیاده‌گی اېنگ یامان مملکت دېب تاپیلگن.
مذکور شاخص‌گه کۉره، افغانستان دنیاده‌گی ۱۴۳ته مملکت آره‌سیده ۰.۱ امتیاز تۉپلب، ۱۴۲ ا‌ۉریننی اېگه‌للگن. مملکت قانون اوستوارلیگی بۉییچه وینزویلادن کېین دنیاده‌گی اېنگ یامان دولت دېب تاپیلگن.
«قانون اوستوارلیگی شاخصی» رېیتینگیده دنيا، ناروی و فینلند دنیا نینگ قانون اوستوارلیگی اېنگ یوقاری بۉلگن اوچته مملکتی صفتیده قید اېتیلگن.
«قانون اوستوارلیگی شاخصی» گزارشیده مملکتلر «حکومت وکالتلری‌نینگ قانوني چېکلنیشی، فسادنینگ یۉقلیگی، آچیق باشقروو، اساسي حقوقلرگه رعایه اېتیلیشی، ترتیب و خوفسیزلیک، قانون-قاعده‌لر نینگ اجرا اېتیلیشی، فقرالیک عادل محکمه و جنایي عادل محکمه» کبی مېزانلر اساسیده رېیتینگگه کیریتیلگن.
حساباتگه کۉره، افغانستان کۉپلب کۉرسه‌تکیچلر بۉییچه پست امتیاز آلگن و دنیاده‌گی اېنگ یامان مملکتلر قطاریدن جای آلگن.
«قانون اوستوارلیگی شاخصی» افغانستان‌نینگ کۉرسنکیچلری ۲۰۲۰ییلدن بویان په‌سه‌ییب باره‌یاتگنینی کۉرسه‌ته‌دی. مملکت نینگ بلّی ۲۰۲۰ -ییلده‌گی ۰.۳۶ امتیازدن جاري ییلده ۰.۳۱ بالگچه توشگن.
افغانستان اۉتگن ییلی هم اوشبو رېیتینگده خودّی شونده‌ی امتیاز آلگن و دنیا مقیاسیده‌گی اۉرنی اۉزگرمه‌گن.
«جهان عدالتی لایحه‌سی» نینگ معلوم قیلیشیچه، جاري ییلده کېتمه-کېت تۉقّیزینچی ییل دنیا نینگ اکثریت مملکتلریده قانون اوستوارلیگی درجه‌سی په‌سه‌یگن.
«جهان عدالتی لایحه‌سی» اجراچی مدیری آلخاندرو پونس نینگ ایتیشیچه، قانون اوستوارلیگی تینچ جمعیتلرنینگ پای‌دېواری حسابلنه‌دی. او انسان حقوقلرینی حمایه قیله‌دی، عدالت قرار تاپیشیگه کۉمکلشه‌دی و برقرار اقتصادي فراوانلیککه اېریشیش اوچون ضرور شرط-شرایطلرنی یره‌ته‌دی.
اونینگ قۉشیمچه قیلیشیچه، ۲۰۲۶ ییلگی قانون اوستوارلیگی شاخصی دنیا مقیاسیده قانون اوستوارلیگی نینگ یېمیریلیشی دوام اېته‌یاتگنینی کۉرسه‌تماقده. اوتاریتریزم اېندیلیکده شونچه‌که پیدا بۉله‌یاتگن تېندېنسيه اېمس، بلکه دنیا نینگ کۉپلب حدودلریده ایلدیز آتگن حادثه‌گه ایلنگن.
لایحه اجراچی مدیری جاري ییلگی «قانون اوستوارلیگی ایندېکسی» نتیجه‌لری جدّي اعتبارنی طلب قیلیشینی تأکیدله‌گن. اونینگ سۉزلریگه کۉره، سۉنگگی بېش ییل دوامیده مملکتلر نینگ۸۶ فایزدن آرتیغیده اوتاریتر باشقروودن حمایه قیلووچی اوچته اساسي میکانیزمدن کمیده بیرته‌سی بۉییچه ایزچیل په‌سه‌ییش کوزه‌تیلگن.
طالبلر افغانستانده حاکمیتنی قَیته اېگه‌لله‌گنیدن سۉنگ، اوّلگی حکومت نینگ ثانونینی بېکار قیلگن. حاضرده مملکت اوشبو گروه رهبری هبت‌الله آخوندزاده تامانیدن چیقریله‌یاتگن فرمان و قرارلر اساسیده باشقه‌ریلماقده.
شونینگدېک، طالبلر مملکت‌نینگ تورلی ساحه‌لریده اساسي اېرکینلیکلرنی چېکلش، فقرالر نینگ بنیادي حقوقلری و انسان حقوقلرینی بوزیشده عیبلنماقده.
