اوکرایننینگ سابق باش وزیری میکولا آزاروفنینگ مطبوعات کاتبی سرگئی زاورتنی مسکوده موترگه اۉرنهتیلگن بۉمبه پارتلشی عاقبتیده یرهلنگن.
«رویترز» اخبارات آژانسی روسيه منبعلریگه تهیهنیب خبر بېریشیچه، حادثه بوگون (جمعه، ۲۲ عقرب) مسکونینگ جَنوبیدهگی «چرتانوو» منطقهسیده صادر بۉلگن.
بو روسيهده سۉنگگی ایکّی کون ایچیده موتر پارتلهتیلیشی بیلن باغلیق ایکّینچی حادثهدیر.
روسيه تېرگاو کمیتهسی معلوم قیلیشیچه، پارتلش زاورتنی اۉز موتریده مسکونینگ جَنوبیدهگی چرتانووا حدودیدن حرکتلنهیاتگن پیتده یوز بېرگن.
حادثهدن سۉنگ زاورتنی شفاخانهگه آلیب کېتیلگن.
رویترز «رِنتیوی» تلویزیونی «۱۱۲» تلگرام-کانالیگه تهیهنیب یازیشیچه، پارتلش عاقبتیده زاورتنینینگ چپ قۉلی اوزیلیب کېتگن.
اوشبو ییتکرمه خبرلریگه کۉره، او باش مییه چهیقهلیشی، قبیرغهلری سینیشی و باشقه جراحتلر طفیلی جانلنتیریش بۉلیمیده دوالنماقده.
اوکرایننینگ سابق باش وزیری میکولا آزاروف روسيهنینگ دولت اخبارات آژانسی «تاس»گه بېرگن صحبتیده پارتلش حقیده معلوماتگه اېگه اېمسلیگینی، فقط زاورتنینینگ تیریک قالگنینی بیلیشینی ایتگن.
زاورتنی لاتین امریکاسیده ژورنالیست صفتیده فعالیت یوریتگچ، عزاراو نینگ کتّه یاردمچیسیگه ایلنگن و او باش وزیر بۉلگن دورده مطبوعات کاتبی وظیفهسینی بجرگن.
آزاروف و ویکتور یانوکوویچ نینگ سابق جمهور رییسی ویکتار ۲۰۱۴ -ییلده مملکتده کېنگ کۉلملی ناراضیلیک نمایشلری باشلنگنیدن سۉنگ روسيهگه قاچیب کېتگن.
اوکرایننینگ سابق باش وزیری مطبوعات سوزلاوچیسی موترینینگ پارتلهتیلیشی روسيه حربي کوچلری اعضاسینینگ سنپترزبورگ اتوموبیلگه اۉرنهتیلگن بۉمبه پارتلشی عاقبتیده هلاک بۉلگنیدن بیر کون اۉتیب صادر بۉلدی.
اوکراین حاضرچه اوشبو ایکّی حادثه یوزهسیدن ایضاح بېرمهگن. بیراق اوّلراق شونگه اۉخشش اَیریم حادثهلر اوکراینگه علاقهدار دېب تاپیلگن یاکه اوکراین منبعلری کيیف نینگ مسکودهگی پارتلشلرگه علاقهدارلیگینی تصدیقلهگن.
