روسيه جمهور رییسی ولادیمیر پوتین امریکا و چین جمهور رئیسلری بیلن چیننینگ شنزن شهریده تاریخي اوچرهشوو اۉتکزگنیدن سۉنگ تاجیکستانگه یۉل آلدی.
«خاور» خبر آژانسینینگ خبر بېریشیچه، روسيه جمهور رییسی بوگون (جمعه، ۲۹ عقرب) اېرتهلب دوشنبه شهریگه یېتیب کېلگن و تاجیکستان جمهور رییسی امامعلی رحمان تامانیدن کوتیب آلینگن.
اوشبو خبر آژانسی معلوماتیگه کۉره، تامانلر اۉزارا منفعتلی بۉلگن بیر قطار مسألهلرنی بحث قیلیشی رېجهلشتیریلگن.
روسيهنینگ تاس اخبارات آژانسی هم امامعلی رحمان اۉتگن هفته مسکوده بۉلیب اۉتگن «جمعی خوفسیزلیک شرطنامهسی تشکیلاتی» دولت رهبرلری ییغینی چاغیده پوتیننی تاجیکستانگه تشریف بویوریشگه تکلیف قیلگنینی خبر قیلگن.
آژانسنینگ یازیشیچه، امامعلی رحماننینگ مسکوگه تشریفی دوامیده ایش جدولینینگ تیغیزلیگی سببلی ایکّی تامان اوچون برچه مهم ایکّی تامانلهمه مسألهلرنی محاکمه قیلیشگه یېترلیچه وقت بۉلمهگن.
تاجیکستان و روسيه یقین سیاسي، خوفسیزلیک و اقتصادي علاقهلرگه اېگه. روسيه تاجیکستانگه افغانستان بیلن چېگرهلرینی حمایه قیلیش اوچون ضرور تخنیک و واسطهلرنی تقدیم اېتیشی رېجهلشتیریلگن.
