طالبلر عالي محکمهسی غزنی و پکتیکا ولایتلریده سکّیز اېرکک و بیر عیالنی عامه آلدیده شلاق بیلن جزالنگنی حقیده خبر بېردی.
محکمهنینگ اعلانیگه کۉره، بوگون (چهارشنبه، ۲۴جدی) غزنی ولایتینینگ دهیک اولسواللیگیده تۉرت کیشی، جملهدن بیر عیال، «اخلاقي بوزیلیش» و «اۉغریلیک» عیبلاولری بیلن شلاق بیلن جزالنگن.
اولرنینگ اوچیگه هر بیری۲۰ ضرب شلاق و بیر ییل قماق جزاسی بېریلگن، بیر کیشیگه اېسه۳۵ ضرب شلاق و بیر ییل قماق جزاسی تعیینلنگن.
شونینگدېک، سۉنگگی ایکّی کون ایچیده پکتیکا ولایتینینگ «خوشامند» و«وازهخواه» اولسواللیکلریده بېش کیشی «اخلاقي بوزیلیش، اۉغریلیک و لواط» عیبلری بیلن شلاق بیلن جزالنگن.
اوشبو شخصلر۱۵ دن۳۵ ضرب شلاقگچه آلگن و بیر ییلدن ایکّی یریم ییلگچه قماق جزاسی تعیینلنگن.
طالبان افغانستانگه قَیتگنیدن سۉنگ، عیبلنگن شخصلرنی عامه آلدیده شلاق بیلن جزالش حالتلرینی بیر نېچه بار عملگه آشیرگن و یوزلب تماشابینلر حضوریده۱۲ کیشینی اۉلدیرگن.
خلق ارا انسان حقوقلری تشکیلاتلری اېسه بوندهی اۉلیم و جسماني جزالرنی خلق ارا قانون و انسان قدر- قیمتیگه ضد دېب حسابلهیدی همده اولرنی تۉختهتیشنی طلب قیلماقده.
