طالبلرنینگ سرپل ولایتی والیسی ادارهسینینگ معلوم قیلیشیچه، اوشبو ولایت اهالیسیدن بیر کیشی «البدر» تومنیده کوچلی قار یاغیشی عاقبتیده یۉلده قالیب کېتیب، ساووقدن جان بېرگن.
طالبلر والیسی ادارهسینینگ بیاناتیگه کۉره، مذکور حادثه (یکشنبه، ۲۸جدی) کونی ینگی تشکیل اېتیلگن «البدر» اولسواللیگینینگ «خواجه جوش» یۉنهلیشیده یوز بېرگن.
اوشبو ادارهنینگ قۉشیمچه قیلیشیچه، کۉهستانات اولسواللیگیدن اوچ کیشی یشاوچی «البدر» اولسواللیگیگه یۉل آلگن، بیراق یۉل دوامیده قار یاغیشی سببلی یۉلده قالیب کېتگن. نتیجهده اولردن بیری هلاک بۉلگن، ایکّی نفری اېسه قوتقریب قالینگن.
طالبلر سرپل اهالیسی و یۉلاوچیلرینی آب-هوا ناقولهی بۉلگن پیتلرده تاغلی یۉنهلیشلرده ضرور بۉلمهگن سفرلردن تيیلیشگه چقیرگن.
آلدین هم مملکت نینگ اَیریم حدودلریده قار یاغیشی و ساووق طفیلی آدملر هلاک بۉلگنی حقیده خبرلر ترقهلگن اېدی.
