محلي منبعلرنینگ خبر بېریشیچه، بلخ ولایتی نینگ مرکزی مزار شریف شهریده ایکّی یریم یاشلی باله اۉغیرلنگن.
منبعلرگه کۉره، بو بالهنینگ اسمی «ارشیدا» بۉلیب، یکشنبه کونی (۲۸ جدی) شهر مرکزی، یېتینچی ناحیهسیده، «انصار ششم» منطقهسیده اۉغیرلنگن.
منبعلرنینگ ایتیشیچه، بو بالهنی «بورقه کيگن عیال» اۉغیرلهگن و حاضرگچه اونینگ تقدیری نامعلوم.
بلخدهگی طالبان محلي رهبرلری حاضرگچه بو واقعه بۉییچه ایضاح بېرمهگن.
طالباننینگ قَیته حاکمیتگه کېلگنیدن کېین، مملکتنینگ تورلی ولایتلریده بالهلرنی اۉغیرلش حالتلری بیر نېچه مراتبه قید اېتیلگن.
بعضی حالتلرده، بو گروه بالهلرنی اۉغیرلشنی تن آلگن و اولرنینگ قۉشینلری اۉغیرلنگن بالهلرنی آزاد قیلگنینی بیلدیرگن.
شو بیلن بیرگه، طالبان قَیته حاکمیتگه کېلگنیدن کېین بوتون افغانستانده خوفسیزلیک اۉرنتیلگنینی ادعا قیلماقده.
