شمالي ولایتلر جوزجان، فاریاب، سرپل، بلخ و اندخوی شهریده تورکمنستاندن وارد قیلینهدیگن برق انرژیسی دوشنبه کېچهسی (۱ دلو) باشلنگن یامغیر و بۉران طفیلی اوزیلدی.
برشنا شرکتی جوزجان ادارهسینینگ معلوم قیلیشیچه، حاضرده اوشبو ولایتلر برق سیز قالگن. محلي اهالی هم کېچهدن بېری برق انرژیسی یۉقلیگینی بیلدیرگن. اولرنینگ ایتیشیچه، برق اوزیلیشی بیلن بیر وقتده یامغیر یاغیشی و هوا ساویشی جدّي معمالرنی کېلتیریب چیقرماقده.
برشنا شرکتی عملیات جماعهلرینی منطقهگه یوبارگنینی و تخنیکي معمالرنی برطرف اېتیب، برق ترماغینی قَیته اولشگه حرکت قیلهیاتگنینی معلوم قیلدی.
