طالباننینگ فواید عامه وزیرلیگی دوام اېتهیاتگن قار یاغیشی سببلی سالنگ یۉلی هنوزگچه برچه توردهگی قتناوو اوچون یاپیق اېکنینی معلوم قیلدی.
وزیرلیک بوگون (پنجشنبه، ۲ دلو) نشر قیلگن خبریده سالنگ شمالي قِسمیده قار قلینلیگی ۴ متر ۶۰ سانتیمترگه، جَنوبي سالنگده اېسه 2 متر ۶۸سانتیمترگه یېتگنینی بیلدیردی.
طالبان فواید وزیرلیگی، شونینگدېک، باميان، دایکندی، غور، غزنی ولایتلریدهگی اکثریت یۉللر همده پکتیا و خوست یۉنهلیشی کوچلی قار یاغیشی طفیلی یاپیلگنینی ایتدی.
وزیرلیکنینگ تأکیدلشیچه، قار یاغیشی تۉختهگچ، اوشبو یۉللر تازهلنیب، قَیته آچیلهدی.
سالنگ اۉتیش یۉلی تیناوون تانگ ساعت ۵:۲۰دن بویان قار یاغیشی و بۉران سببلی یاپیق قالماقده.
بوگون هم مملکتنینگ تورلی ولایتلریده قار و یامغیر یاغیشی دوام اېتیب، علاقه یۉللرینینگ یاپیلیشیگه سبب بۉلماقده.
