کابلدهگی محلی منبعلرنینگ ایتیشیچه، «نامعلوم قوراللی شخصلر» جلدی کسللیکلر متخصصی داوود هوشمند اۉغیرلب کېتگن.
بیر منبعنینگ اطلاعات روزگه ایتیشیچه، او سهشنبه کېچهسی، ۳۰جدی ساعت ۸:۰۰ اطرافیده، کابلدهگی «خواجه بغرا» حدودیدهگی اویینینگ آلدیدن آلیب کېتیلگن.
منبع نینگ ایتیشیچه، هوشمند ایش جاییدن اوییگه قَیتهیاتگنیده، «نامعلوم قوراللی شخصلر» تامانیدن تۉختهتیلگن و آلیب کېتیلگن.
معلوماتلرگه کۉره، محمد داوود هوشمند کابلدهگی «۵۰۰فامیلی» منطقهسیدن شخصي کلینیکگه اېگه بۉلگن و «جلدی کسللیکلر» متخصصی صفتیده ایشلهگن.
حاضرچه داکترنینگ تقدیری حقیده هېچ قندهی معلومات یۉق دېدی منبع.
کابلدهگی طالبلر خوفسیزلیک مسووللری حاضرچه بو واقعه یوزهسیدن ایضاح بېریشمهگن.
بو هفته ایچیده خبر بېریلگن ایکّینچی آدم اۉغیرلش واقعهسی حسابلنهدی. شو هفته یکشنبه کونی مزارشریف شهریده بیر باله «بورقه کيگن عیال» تامانیدن اۉغیرلنگن و اونینگ تقدیری حقیده هم معلومات یۉق.
