بیرلشگن ملتلر تشکلاتینینگ انسانپرورلیک مسألهلرنی موافقلشتیریش ادارهسی (اوچا) نینگ معلوم قیلیشیچه، افغانستانده ماینلرنی تازهلش دستوری کېسکین مبلغ تنقیصلیگیگه دوچ کېلگن و بو ساحهدهگی فعالیت تاباره قیسقریب بارماقده.
اوچا بوگون (چهارشنبه، ۱۰-سرطان) نشر قیلگن بیاناتیده، افغانستانده ماینلردن تازهلش ایشلری اوچون سۉرهلگن۱۴.۵میلیون امریکا دالری مبلغ نینگ اتیگی۳.۶میلیون دالری اجرهتیلگنینی بیلدیردی.
تشکیلات معلوماتلریگه کۉره، افغانستانده پارتلهمهگن اۉق-داریلر هنوز انسانلر حیاتیگه جدّي خوف توغدیرماقده. جاري ییلنینگ جنوری-می آیلریده بوندهی پارتلاوچی مادّهلر سبب۱۷۵ نفر کیشی هلاک بۉلگن یاکه جراحت آلگن. قربانلرنینگ۷۵ فایزینی بالهلر تشکیل اېتگن.
اوچانینگ تأکیدلشیچه، زودلیک بیلن مالیوي یاردم اجرهتیلیشی ینه کۉپلب قربانلرنینگ آلدینی آلیشگه خدمت قیلهدی.
افغانستانده اۉنلب ییللر دوام اېتگن اوروشلر عاقبتیده مملکتنینگ کتّه حدودلری ماینلر و باشقه پارتلاوچی مادّهلر بیلن افلاسلنگن.
بیرلشگن ملتلر تشکیلاتی حساباتیگه کۉره، افغانستانده۳.۳میلیون کیشی ماینلر و پارتلاوچی مادّهلر بیلن افلاسلنگن حدودلردن بیر کیلومتر رادیوسده یشهیدی.
