افغانستان انسانپرورلیک جمغرمهسینینگ معلوم قیلیشیچه، سویدن اوشبو جمغرمهگه۵۰میلیون سویدن کرون، یعنی۵.۲۵میلیون امریکا دالری مقداریده مبلغ اجرهتگن.
جمغرمه بوگون (چهارشنبه، ۱۰سرطان) ایکس اجتماعی ترماغیده نشر قیلگن بیاناتیده، سویدنگه کۉرسهتیلگن مالیوي کمهگی اوچون منّتدارلیک بیلدیردی.
بیاناتده تأکیدلنیشیچه، منبعلرنی بیرلشتیریش و همکارلیکنی کوچهیتیریش آرقهلی یاردمگه محتاج ینهده کۉپراق جماعهلرگه یېتیب باریش همده اولرنینگ برقرارراق کېلهجک قوریشیگه کمکلشیش امکانیتی یرهتیلهدی.
سویدن بوندن آلدین هم افغانستان انسانپرورلیک جمغرمهسیگه۲.۹۹میلیون امریکا دالری مقداریده یاردم اجرهتگن اېدی.
مذکور یاردم افغانستان نینگ جاري ییلگی انسانپرورلیک احتیاجلریگه جواب بېریش دستوری کېسکین مالیوي تنقیصلیککه دوچ کېلهیاتگن بیر پیتده تقدیم اېتیلدی. حاضرگه قدَر دستور اوچون سۉرهلگن مبلغ نینگ اتیگی۱۶فایزدن سَل کۉپراغی مالیهلشتیریلگن.
