اۉزبېکستان یېتکرمهلرینینگ خبر بېریشیچه، افغانستاندن مملکت حدودیگه کیرگن۲ کیلوگرام۳۲گرام تریاک آرتیلگن درون انیقلنیب، قۉلگه آلیندی.
“زمین اوزبېک” نشرینینگ معلوم قیلیشیچه، درون افغانستاندن آمو دریا یقینیدهگی سورخان دریا ولایتی تامان یۉنهلتیریلگن اېدی.
نشرنینگ یازیشیچه، دروننی انیقلش و قۉلگه آلیش عملیاتی دولت خوفسیزلیک خدمتی، چېگره قۉشینلری همده ایچکی ایشلر اۉرگانلری همکارلیگیده عملگه آشیریلگن.
خبرده ایتیلیشیچه، اۉزبېکستان حقوقنی محافظه قیلووچی اۉرگانلری مذکور ایشگه علاقهدار شخصلرنی انیقلش چارهلرینی کۉرماقده.
شونینگدېک، اوشبو حالت یوزهسیدن جنایت ایشی قۉزغهتیلگن. تېرگاو دوامیده درون اوچیریلگن جای، گیاهوند مادّهسینی قبول قیلیشی کېرهک بۉلگن شخص همده احتمالي شریکلر انیقلنماقده.
بوندن آلدین هم افغانستاندن اۉزبېکستانگه گیاهوند مادّهلر قاچاقی عملگه آشیریلهیاتگنی حقیده خبرلر ترقهلگن اېدی.
بو آرهده طالبلر افغانستانده گیاهوند مادّهلرگه قرشی کورهش آلیب بارهیاتگنی همده اولرنی یېتیشتیریش، ایشلب چیقریش و قاچاق قیلیش نینگ آلدی آلینهیاتگنینی دعوا قیلیب کېلماقده.
